Google ADS

Arrestohen dy të dyshuar për sulmin ndaj objektit të Muzeut të Alfabetit në Manastir

16:54 | 8 Mars 2017
Arbresh.info

Ministria e Punëve të Brendshme ka bastistur dy lokacione dhe ka dërguar në polici për bisedë informative dy persona të dyshuar për sulmet e djeshme ndaj Muzeut të Alfabetit në Manastir, transmeton Gazeta Express.

Sipas njoftimit të MPB-së, përveç kësaj në sipërfaqën e shisheve të molotovit, me të cilat dje u sulmua Muzeu i Alfabetit, janë gjetur shenja të gishtërinjëve të një personi ende të paidentifikuar.

“Teknika kriminalistike me anë të metodave të forenzikës deri më tani ka gjetur një profil ADN të një mashkulli të paidentifikuar dhe janë ekzaminuar edhe vijat papilare por të një cilësie të dobët“, deklaroi ministri i Punëve të Brendshme Agim Nuhiu.

Ministri Nuhiu gjithashtu ka konfirmuar për televizionin Alsat M, se hetimet kanë filluar edhe për sulmet e mëparshme ndaj objektit të Muzeut në Manastir.

Gjatë ditës së djeshme, katër persona të maskuar kanë sulmuar objektin e Muzeut të Alfabetit me koktej molotovi dhe kanë shënuar edhe mbishkrime ofenduese.

Shpërndaje në rrjete sociale

Lajmet më të lexuara

Të ngjashme

Foto lajm