Google ADS

Anulohet sërish seanca për raportimin e Nikolla Dimitrovit për politikën e jashtme

11:15 | 1 Gusht 2018
Arbresh.info

Është anuluar sërish seanca në Komisionin për Politikë të Jashtme në Kuvendin e Maqedonisë, në të cilën duhej të raportonte shefi i diplomacisë së Maqedonisë, Nikolla Dimitrov.

Seanca e këtij komisioni deri më tani disa herë është anuluar, përcjell Telegrafi Maqedoni.

Ministri Dimitrov nuk arriti të raportoi para anëtarëve të komisionit, sepse kryetari i Komisionit, Antonio Milloshoski ka kërkuar që deputetët që kanë certifikatë të sigurisë të marrin materialet e klasifikuara nga dy takimet e liderëve të mbajtura tek kryetari i Republikës së Maqedonisë. Materialet, sipas Milloshoski, janë kyçe për politikën ndërkombëtare dhe për punën e ministrit Dimitrov.

Jo zyrtarisht këtë radhë seanca është anuluar për shkak se shumë deputetë shfrytëzojnë pushimin vjetor.

Seanca e ardhshme është caktuar për më 23 gusht në orën 10:00.

Shpërndaje në rrjete sociale

Lajmet më të lexuara

Të ngjashme

Foto lajm