Google ADS

Alarm për bombë në aeroportin e Beogradit, pasagjerët evakuohen nga aeroplani pak para se të nis fluturimi

23:06 | 29 Shkurt 2024
E.H

Fluturimet në aeroportin “Nikola Tesla” të Beogradit është ndërprerë për shkak të një kërcënimi me bombë.

Pasagjerët janë evakuuar ndërsa në rrjetet sociale janë shfaqur disa video që tregojnë evakuimin e pasagjerëve nga aeroplani që ishte gati të ngrihej.

Siç mund të dëgjohet në video, ekuipazhi i kabinës paralajmëroi njerëzit që të lënë bagazhet e tyre dhe të vazhdojnë me evakuimin.

Pasi zbritën nga aeroplanët përmes një rrëshqitëseje, njerëzit vrapuan në pistën e aeroportit në errësirë dhe videot nga rrjetet sociale tregojnë se edhe disa aeroplanë u zbrazën me udhëtarët.

Kompania malazeze “Air Montenegro” ka bërë të ditur se në aeroplanin e tyre është njoftuar se ka bombë.

Sipas informacioneve jozyrtare, bomba është raportuar edhe në disa fluturime të tjera që është dashur të nisin gjatë mbrëmjes.

Aeroporti “Nikola Tesla” konfirmoi për N1 se trafiku është pezulluar dhe se nuk dihet se kur do të rifillojnë fluturimet. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm