Google ADS

Ahmeti: Regjistrimi ishte proces dhe sfidë aspak e lehtë por që ia dolëm ta përfundojmë me sukses

12:40 | 30 Mars 2022
A. B.

Kryetari i partisë shqiptare në pushtet, BDI, Ali Ahmeti ka reaguar në lidhje me regjistrimin e popullatës në Maqedoni të Veriut, proces ky që bëhet pas 20 viteve.

“Sot, Republika e Maqedonisë së Veriut pas 20 viteve ka një pasqyrë më të qartë sa i përket numrit të përgjithshëm të popullësisë dhe përqindjes së komuniteteve në vend.
Shqiptarët janë 29.5% në popullësinë e përgjithshme dhe 24.3% në popullësinë rezidente, ndërsa në qytetin e Shkupit 22.8% (nga 20.04% në 2002).
Përgëzoj të gjitha institucionet që ishin të përfshira dhe ndihmuan Regjistrimin si proces që filloi në muajin Mars të vitit të kaluar me diasporën e vendit e që përfundoi në Shtator me regjistrimin e popullatës në vend, proces dhe sfidë aspak e lehtë por që ia dolëm ta përfundojmë me sukses.”

Ndryshe, Ali Ahmeti këtë proces e cilëson si sfidë të rëndë që u përmbyll me sukses./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm