Google ADS

Ahmeti-Nimetz: Presim zgjidhje të shpejtë për kontestin e emrit

18:20 | 1 Shkurt 2018
Arbresh.info

Ndërmjetësuesi i OKB-së për çështjen e emrit, Matthew Nimetz, ka realizuar takim edhe me kryetarin e BDI-së, Ali Ahmeti, ku pas takimit tha se çdo herë merr këshilla të mira nga ai.

Nimetz e përsëriti qëndrimin se pret zgjidhje të shpejtë dhe se takimi me Ahmetin ka qenë konstruktiv. Ai gjithashtu, tha se tani është koha e duhur për zgjidhjen e kontestit të emrit, përcjell Telegrafi Maqedoni.

Ahmeti pas takimit tha se para Nimetzit ka prezantuar qëndrimet dhe mendimet e BDI-së në lidhje me bisedimet dhe çështjen e emrit. Ai shtoi se BDI do të vazhdojë me mbështetje të plotë për ndërmjetësusin dhe se pret epilog të shpejtë për kontestin.

Ahmeti gjithashtu tha se pret zgjidhje e cila do të jetë e pranueshme për të dy palët dhe do të kontribuojë për paqen dhe stabilitetin e vendit dhe gjithë qytetarëve.

 

https://www.facebook.com/makfax/videos/10155488982333353/

Shpërndaje në rrjete sociale

Lajmet më të lexuara

Të ngjashme

Foto lajm