Google ADS

Ademi: Lajm i rrejshëm është se shkollat do të hapen më 18 maj

12:29 | 28 Prill 2020
Arbresh.info

Ministri i Arsimit dhe Shkencës, Arbër Ademi në faqen e tij në Facebook e ka shpërndarë një vendim të ministrisë, që sipas tij është i rrejshëm, në lidhje me rihapjen e shkollave në vend.

Ai thotë se është lajm i rrejshëm vendimi që u përhap në rrjetet sociale, ku thuhej se shkollat do të hapen më 18 maj.

Ndërsa ka reaguar edhe Ministria e Arsimit dhe Shkencës, prej ku thonë se akoma nuk kanë marrë vendim për rihapjen e shkollave.

“Ministria e Arsimit dhe Shkencës e demanton informacionin që u shpërnda sot nga disa mediume, për kinse dekretin e miratuar nga Qeveria, me të cilin parashihej hapja e shkollave fillore dhe të mesme më 18 maj 2020”.

“Informojmë se bëhet fjalë për informacion të rrejshëm dhe dokument që fare nuk është përgatitur nga ana e Ministrisë dhe miratuar nga Qeveria. Kjo temë nuk është diskutuar në seancat qeveritare ditëve të kaluara”, thonë nga MASH.

Shpërndaje në rrjete sociale

Lajmet më të lexuara

Të ngjashme

Foto lajm