Sot, Mali i Zi ka numrin më të madh të ukrainasve ‘për kokë banori’ në Evropë sepse ata përbëjnë rreth 5 për qind të popullsisë sonë totale, deklaroi kryeministri në largim i këtij vendi, Dritan Abazoviq.

Ai këtë e ka bërë të ditur në debatin e përgjithshëm “Të bashkuar për Evropën” gjatë Samitit të 4-të të Presidentëve të Shteteve dhe Qeverive të Këshillit të Evropës, raporton rtcg.

I pari i shtetit malazez tha se përkundër sanksioneve të forta kundër Federatës Ruse, sot në shtetin malazez jetojnë një numër i caktuar i qytetarëve rusë, të cilët jetojnë së bashku me ukrainasit dhe nuk kanë asnjë problem.

✅️Ponosni smo na ostvarene rezultate u borbi protiv kriminala i korupcije – Naši partneri prepoznaju doprinos Crne Gore promociji univerzalnih vrijednosti, solidarnosti i slobode.

Danas potpisana Deklaracija o podršci formiranju Registra štete za Ukrajinu. 🇲🇪🇪🇺🇺🇦 pic.twitter.com/47I0pVGpmd

— Dr Dritan Abazovic (@DritanAbazovic) May 17, 2023

Duke folur në fillim të Samitit të 4-të të Këshillit të Evropës, kryeministri malazez deklaroi se kjo është një ngjarje historike për Malin e Zi pasi po merr pjesë në këtë format të Këshillit për herë të parë që nga fitimi i pavarësisë.

“Mali i Zi ka qëndruar pranë Ukrainës që nga dita e parë e agresionit të Federatës Ruse dhe ne do të bëjmë çmos për të mbështetur miqtë tanë deri në fund”, vuri në dukje Abazoviq, duke shtuar se duhet të fillojmë menjëherë të mendojmë për rindërtimin e Ukrainës, pa pritur përfundimin e luftës.

Abazoviq është shprehur i kënaqur me Ukrainën pasi ajo po punon shumë për të promovuar vlerat brenda vetë vendit – për të luftuar korrupsionin dhe krimin e organizuar. /Telegrafi/