Protesta “Kthema adresën”, Sinani: Medvegja sot u bë simboli i zërit të çdo shqiptari

20:20 | 3 Nëntor 2024
E.G

Kryetarja e Komunës së Preshevës, Ardita Sinani ka thënë se rotesta nën moton “Kthema adresën” në Medvegjë ishte një zë i fuqishëm për barazi e drejtësi.

Me anë të një postimi në Facebook, ajo tha se Medvegja sot u bë simboli i zërit të çdo shqiptari që kërkon të drejtat e tij, shkruan Arbresh.info.

Sinani shtoi se përmes kësaj proteste kërkuan mbështetje ndërkombëtare për t’i dhënë fund kësaj padrejtësie.

“Protesta e sotme “Kthema adresën” në Medvegjë ishte një zë i fuqishëm për barazi dhe drejtësi, një sfidë ndaj përpjekjeve për pasivizimin e adresave dhe për fshirjen e identitetit tonë kombëtar nga këto troje. Medvegja sot u bë simboli i zërit të çdo shqiptari që kërkon të drejtat e tij. Me flamurin tonë kombëtar qëndruar krenar, kërkuam mbështetje ndërkombëtare për t’i dhënë fund kësaj padrejtësie”, ka shkruar Sinani./Arbresh.info/

LEXO EDHE:

Shqiptarët e Luginës protestojnë kundër pasivizimit të adresave

Shpërndaje në rrjete sociale

Lajmet më të lexuara

Të ngjashme

Foto lajm