Një dokumenti i brendshëm i Këshillit të Bashkimit Europian që mban datën 5 Maj kërkon që vendet anëtarë të mbështesin nisjen sa më shpejt të jetë e mundur të negociatave më Shqipërinë dhe Maqedoninë e Veriut.
“Për Shqipërinë dhe Maqedoninë e Veriut, vetë procesi i pranimit në BE ka siguruar nxitje më të fortë për reformat dhe si i tillë, më shumë demokraci, stabilitet dhe prosperitet për popullatat përkatëse. Tani është thelbësore që negociatat e pranimit të fillojnë sa më shpejt të jetë e mundur dhe të ecim përpara, së bashku me ruajtjen e vrullit të reformave në dy vendet”.
Ky draft paraprak do të kërkojë pëlqimin e të gjitha vendeve anëtare në mënyrë që të zhvillohen edhe konferencat e para ndërqeveritare me Tiranën dhe Shkupin. Në dokument thuhet se vendet e Ballkanit Perëndimor janë pjesë integrale e Europës dhe e ardhmja e tyre është në union.
Nisjen e bisedimeve me Shqipërinë dhe Maqedoninë e Veriut e ka kërkuar edhe Komisioneri për Zgjerimin Oliver Varhelyi pas një takimi me Ministrat e Jashtëm të unionit këtë të hënë në Bruksel.
“Në Këshillin e Punëve të Jashtme të Komisionit Evropian sot ishte një diskutim i mirë për Ballkanin Perëndimor, duke konfirmuar se perspektiva e rajonit në BE është e padiskutueshme dhe angazhim për të rritur më tej bashkëpunimin. Nevojë për të filluar bisedimet e pranimit me Shqipërinë dhe Maqedoninë e Veriut dhe vazhdimin e dialogut Beograd-Prishtinë”.
Varheji thotë se Bashkimi Europian do të ndjekë një qasje të koordinuar me Ballkanin Perëndimor drejt lindjes dhe drejt jugut të kontinentit.
Luiz Ejlli vjen me këngën e re “Picirruke”
I dyshuari për atentatin ndaj Trumpit la një letër që tregon...
Sarrazin folës në Forumin Ekonomik Gjermano-Kosovar
“Përfundove nga tenor në dasmaxhi”, reagon Maestro: Hodha në...
Enis Zabërgja njofton pensionimin nga futbolli aktiv
Vuçiq thotë se do të dekorojë përfaqësuesit e shteteve që vo...