Kosova dhe Maqedonia e Veriut me marrëveshje për ndihmë juridike në çështjet civile

09:11 | 25 Gusht 2021
A. B.

Ministri i Drejtësisë së Maqedonisë së Veriut, Bojan Mariçiqi sot do të qëndrojë për vizitë pune njëditore në Kosovë dhe në takimin me ministres e Drejtësisë së Kosovës Albulena Haxhiun do të nënshkruajë marrëveshje për ndihmë juridike reciproke në çështjet civile.

Ministria e Drejtësisë bëri të ditur se midis të dyja shteteve ekzistojnë lidhje të ngushta ekonomike, politike, kulturore dhe të tjera, për shkak të së cilave nevojitet lehtësim të procedurave para institucioneve të të dyja shteteve.

“Me lidhjen e kësaj marrëveshje vendoset edhe rruga diplomatike e komunikimit, që do të mundësojë procedurë civile më të shpejtë dhe më efikase dhe do të mundësohet komunikim i drejtpërdrejtë midis organeve kompetente të të dyja shteteve për përgjigje më të shpejtë edhe nga të dyja palët, pa kaluar më parë procedurat përmes dy ministrive të drejtësisë”, thuhet në njoftimin e ministrisë. /arbresh.info/

Ministrja Haxhiu takon sot homologun nga Maqedonia e Veriut

Shpërndaje në rrjete sociale

Lajmet më të lexuara

Të ngjashme

Foto lajm