Fillimi i vitit shkollor do të caktohet varësisht gjendjes epidemiologjike dhe ndryshimeve në ligjin për arsim fillor dhe të mesëm.
Kështu tha ministri në largim i Arsimit, Arbër Ademi duke shtuar se në dy ditët e ardhshme Qeveria e Maqedonisë së Veriut duhet të miratojë planin e Ministrisë së Arsimit.
“Për më 1 shtator, që të fillojë viti shkollor varet nga gjendja epidemiologjike dhe nga ndryshimet ligjore. Tashmë kemi parlament funksional, Qeveria nesër ose më së voni pasnesër do të duhet të të miratojë planin e Ministrisë së Arsimit dhe t’i propozojë Kuvendit ndryshimet adekuate ligjore me çka sigurohet baza e nevojshme juridike për organizim të procesit arsimor kështu siç po planifikojmë”, tha Ademi.
Pavarësisht se tashmë Qeveria ka bërë të ditur modelin e realizimit të procesit mësimor, prindërit vazhdojnë të kërkojnë që fëmijët e tyre të kthehen në shkollë me prani fizike.
Gjashtë ditë nga fillimi zyrtar i vitit shkollor, në shkolla ende nuk ka arritur asnjë vendim i Ministrisë së Arsimit për mënyrën e realizimit të procesit mësimor. Pavarësisht kësaj, shkolla të caktuara tashmë po bëjnë përgatitjet e fundit për pritje të nxënësve./Alsat
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...