Shkëncëtarët besojnë se kanë arritur të zbulojnë se pse disa njerëz nuk shtojnë, pavarësisht se sa hanë.

Ata kanë zbuluar një gjen që ndihmon njerëzit e pakta të mos marrin peshë, gjë që potencialisht hap mundësi të reja në trajtime për të zgjidhur problemin e mbipeshes, transmeton portal arbresh.info

Një ekip ndërkombëtar i shkencëtarëve ka identifikuar një variant gjenetik unik për individët me peshë të dobët. Gjeni i quajtur ALK prodhon normalisht një proteinë të quajtur limfoma anaplastike kinazë, e cila është e përfshirë në rritjen e qelizave.

Studiuesit rishikuan mostrat e ADN-së dhe të dhënat klinike nga më shumë se 47,000 njerëz të shëndetshëm midis moshës 20 dhe 44 vjeç. Hartat gjenetike u bënë për të gjithë ata që kanë një indeks të masës trupore nën 18 dhe ata zbuluan se ekziston një kombinim gjenetik që lidhet me ngushtësinë dhe rezistencën ndaj shtimit të peshës.

Për të verifikuar këto rezultate, shkencëtarët kryen eksperimente mbi mizat e frutave dhe te minjtë. Ata zbuluan se kur insektet e fshinin këtë gjen, ata kishin një peshë më të ulët trupore. Minjtë u ushqyen me ushqim të shpejtë dhe zbuluan se ata pa gjenin ALK mbetën të ligët, ndërsa këta të fundit fituan peshë.

Sigurisht, lidhja e vendosur nuk është dëshmi e mjaftueshme e ekzistencës së një marrëdhënie shkak-pasojë, theksojnë autorët e studimit. Por studiuesit supozojnë se ky gjen, i cili luan një rol të rëndësishëm në trurin tonë, i tregon trupit se sa yndyrë duhet të digjet dhe si të përdorin depot e tij të energjisë./arbresh.info/