Videolojërat qetësojnë pacientët skizofrenikë

00:37 | 13 Shkurt 2018
Trina Galanxhi

Personat që vuajnë nga skizofrenia mund të trajnohen që të kontrollojnë pjesën e trurit e cila lidhet me halucinacione përmes videolojërave, kanë deklaruar së fundmi studiuesit.

Në një studim të vogël pacientët ishin të aftë të ulin një raketë në një lojë, kur kjo lidhej me regjionin e trurit të ndjeshëm ndaj të folurit dhe zërave të njerëzve.

Brenda një kohe relativisht të shkurtër pacientët mësuan të përdorin këto teknika në jetët e tyre të përditshme për të ulur fuqinë e halucinacioneve.

Megjithatë ky është një studim i përmasave të vogla dhe ka nevojë për hulumtime të tjera për t’u konfirmuar.

Ekipi studiues nga Instituti për Psikiatri, Psikologji dhe Neuroshkencë “King’s College” në Londër dhe Universiteti Roehampton, kanë deklaruar që kjo teknikë mund të përdoret tek pacientët skizofrenikë të cilët nuk përfitojnë nga medikamentet./KK/

Shpërndaje në rrjete sociale

Lajmet më të lexuara

Të ngjashme

Foto lajm