Sporti i tenisit ju bën që të jetoni më gjatë. Kjo është zbuluar nga një studim epidemiologjik nga Instituti Mid America e Shën Lukës Heart në Kans dhe i publikuar në revistën Mayo Clinic Proceedings që lidh sportin me jetëgjatësinë.

Studimi zgjati 25 vjet

Anketa është kryer për 25 vjet, nga viti 1991 deri në vitin 2017, në një mostër prej 8.600 qytetarëve të Kopenhagenit në Danimarkë, të monitoruar nëpërmjet pyetësorëve në lidhje me shëndetin e tyre dhe mënyrën e jetesës. Rezultati konfirmoi atë që ishte e njohur tashmë shkencërisht, dhe kjo është se sporti, pavarësisht aktivitetit të praktikuar, siguron jetë më të gjatë në krahasim me qëndrimin ulur. Por, duke shkuar në më shumë detaje, doli se sporti në grup ose të paktën ata që përfshijnë të paktën dy persona, rrisin jetëgjatësinë më shumë se sportet individuale si për shembull vrapi.

Në krye të renditjes

I pari renditet tenisi, e cili i jep 9.7 vite më shumë atyre që e praktikojnë. Në fund të renditjes gjejmë aktivitetin në palestër, me vetëm 1.5 vite jetë të fituara.

Megjithatë, pavarësisht këtyre rezultateve, e rëndësishme është të ushtroni një aktivitet fizik, thotë Gianfranco Beltrami, profesor në Universitetin e Parmës: “Të gjitha sportet, nëse praktikohen gjatë gjithë jetës me një intensitet dhe frekuencë të duhur, mund të rrisin jetëgjatësinë. Çdo aktivitet, jep përfitime shëndetësore, megjithatë, duhet të praktikohet së paku dy-tri orë në javë me intensitetin e duhur, i ndarë në 3 sesione, sepse në të kundërt mund të japë efekte negative si mbingarkesa.

Ta dini!

Sportet në grup gjithashtu ndihmojnë në reduktimin e stresit.