Tradhtia është një moment që askush nuk do të donte ta përjetonte.
Por raste të tilla ndodhin fatkeqësisht dhe duhen përballuar e duhet ecur përpara. Nëse edhe ti po përjeton një situatë të tillë, ku partneri apo bashkëshorti yt të ka tradhtuar me dikë tjetër, mos merr hapa të nxituar, sado e irrituar dhe e lënduar të jesh për momentin.Ja disa nga këshillat kryesore që duhet të kesh parasysh:

1. Qetësohu

Sigurisht që është më se normale që ti do të ndihesh keq, por duhet të mendohesh të qetësohesh e mos ta kthesh shtëpinë tuaj të përbashkët në një ferr të vërtetë për të dy ju. E mira është të shkëputesh disa ditë e të rrish larg për tu qetësuar dhe menduar për hapat e mëtejshëm. Vetëm pasi ti kesh analizuar mirë të gjitha, mund të marrësh një vendim të drejtë.

2. Zbulo arsyen e tradhtisë së tij

Pasi të jesh qetësuar, ti mund të jesh gati të përballesh me realitetin dhe pavarësisht se është një veprim që nuk duhej bërë dhe nuk mund të justifikohet, e mira është që ti ta zbulosh se cilat ishin arsyet që atë e çuan në tradhti. Kij parasysh se pavarësisht se tradhtinë e bën një person, të dy partnerët janë të përfshirë në të dhe prandaj përpiqu të zbulosh se çfarë gjeti partneri yt duku tjetër që e çoi atë deri në atë veprim.

3. Reflekto dhe merr vendimin tënd

Kjo është edhe pjesa më e vështirë, pasi një anë e jotja mund të dojë të ndahet prej tij e nuk mund ta falë dot tradhtinë. Por nga ana tjetër, nëse ti atë ende e do, nuk është e lehtë që të fshish gjithçka sikur ai nuk ka ekzistuar më parë. Këshillohu edhe me familjen dhe miqtë e tu dhe në fund merr vendimin që të duket ty i duhuri.

4. Respektoje vendimin tënd

Nëse ke vendosur ta falësh, atëherë nuk do të kishte kuptim tia ktheje atij jetën në ferr duke ja kujtuar çdo ditë tradhëtinë e tij, por duhet ta lini të dy pas krahëve e të ecni përpara duke ju kthyer normalitetit dalëngadalë. E njëjta gjë vlen edhe për situatën kur ke vendosur të ndahesh prej tij, kur nuk do të kishte kuptim që të interesoheshe gjatë gjithë kohës për jetën e tij private e të përpiqesh “të fusësh hundët” kudo, për ti shkatërruar atij jetën.

5. Mos u hakmerr me të njëjtën monedhë

Ndodh shpesh që personi që është tradhtuar, ka një dëshirë të hakmerret në të njëjtën mënyrë, duke ja kthyer partnerit me të njëjtën monedhë. Por ky është një hap I gabuar, i cili vetëm ul pikë. Shoqërohu me dikë tjetër, vetëm në rast se vendos të ndahesh, pasi nesër mund ta kesh të vështirë të mbash mbi supe edhe ndjenjën e fajit dhe të tradhtisë së bërë për hakmarrje nga ana jote, pasi në çdo situatë tradhtia është tradhti dhe nuk mund të justifikohet thjesht si hakmarrje.