Djersitja është një mënyrë e eleminimit të lëngjeve të tepërta nga organizmi dhe luan një rol të rëndësishëm në ruajtjen e temperaturës së trupit. Trupi vazhdimisht çliron djersë edhe atëherë kur nuk jemi te vetëdijshëm për këtë. Djersitja mund të ndodhë në kushte fiziologjike dhe në kushte patologjike. Në kushte fiziologjike djersitemi për shkak të veprimtarisë së shtuar fizike.

Por si mund të shmangim apo të anashkalojmë sadopak djersitjen në stinën e verës nëpërmjet  disa këshillave?

1. Shmangni rrobat e ngushta

Gjatë ditëve të nxehta të verës, qëndroni larg copave të ngushta që ju ngjiten pas trupit. Në vend të tyre, vishni rroba të lirshme pasi do të ndiheni më rehat nëse materialet nuk ju prekin lëkurën. Për shembull, në vend të xhinseve të ngushta dhe kanotjereve, vishni një fustan të gjatë të gjerë.

2. Mos përdorni reçipeta me mbushje

Zgjidhni një palë reçipeta të lehta dhe mundësisht pa tela të bezdisshëm.

3. Kujdes me materialet

Mamatë jo më kot kanë pambukun si materialin e tyre të preferuar, pasi ai thith më mirë djersën dhe lejon që të thahet më shpejt.

4. Hiqni dorë nga gurët dhe teminat

Gurët dhe teminat ngjiten në lëkurë dhe ju krijojnë një ndjesi të bezdisshme. Mund t’i vishni gjatë mbrëmjes, por nuk këshillohen gjatë mëngjesit ose drekës.

5. Shall dhe kapele

Sado e çuditshme të duket, një shall i hedhur krahëve do t’ju mbajë freskët pasi shmang rrezet e diellit. Nëse qëndroni për shumë gjatë në diell, vendosni me patjetër kapele.

6. Ngjyrat

Zgjidhni nuanca të hapura (e bardhë, rozë pudër, nude, e verdhë etj) dhe shmangni ngjyrat e errëta (e zezë, blu, kafe, vishnje).

7. Hidratohuni

Ujë, ujë, ujë!

Krem mbrojtës ndaj diellit me patjetër.