Tani që temperaturat janë duke shënuar rritje, duhet bërë kujdes edhe me gjumin.

Në vend që të flini me kondicioner apo ventilator të ndezur, gjë që nuk rekomandohet, ekspertët kanë një zgjidhje më të shëndetshme, transmeton portal arbresh.info

“Kur të qetësohemi në mbrëmje, temperature e trupit bie me rreth një shkallë dhe na jep një shenjë se është koha për të fjetur. Sigurisht, është më e vështirë të arrihet kjo rënie e temperaturës kur jashtë bën vapë. Kjo është arsyeja se pse njerëzit kanë probleme me gjumin gjatë veres”, thotë David Lee.

Sipas tij, vapa pengon edhe çlirimin e melatoninës, një hormon gjumi që na bën të ndihemi të lodhur.

Megjithatë, ka mënyra që mund të na ndihmojnë të biem në gjumë edhe kur temperaturat e ajrit janë në një nivel rekord.

Qëndroni të hidratuar, por mos e teproni

Të gjithë e dimë se është e rëndësishme të pini ujë të mjaftueshëm kur është e nxehtë. Dehidratimi, ndër të tjera, mund të pengojë gjumin.

“Përpiquni të shmangni pirjen e tepërt të ujit dy orë para gjumit, sepse një fshikëz e mbushur do të pengojë gjithashtu gjumin tuaj”, thotë Dr. Lee dhe këshillon të pini lëngje gjatë gjithë ditës në vend që të qëndroni të hidratuar.

Bëni dush para gjumit

Kur fillon vapa, njerëzit duhet të shmangin stërvitjen para se të shkojnë në shtrat, sepse është kundërproduktive.

“Ushtrimi do t’ju rrisë temperaturën e trupit. Ushtroni në mëngjes dhe do t’i jepni trupit kohë të mjaftueshme për t’u qetësuar”, këshillon ekspertja e gjumit Semi Margo.

Trupi juaj do të kënaqet duke bërë dush me ujë të vakët para se të shkoni në shtrat.

Mos vishni pizhama

Ekspertët thonë se kjo është këshilla më e mirë për të fjetur gjatë vapës që mund të ofrojnë. Është ideale për të fjetur pa rroba, por disa njerëz nuk mund ta bëjnë këtë, kështu që opsioni i pizhame 100% pambuk është një rekomandim i shkëlqyeshëm.

Gjeni pozicionin e duhur për gjumë

Pavarësisht nëse flini vetëm ose ndani një shtrat, shtrirja në shpinë është zgjidhja më e mirë kur është vapë. Nëse flini me partnerin, jepini hapësirë njëri-tjetrit dhe përdorni batanije të veçanta për ta bërë më të lehtë përballimin e temperaturave të larta./arbresh.info/