Një djegie e lehtë nga dielli shërohet brenda një jave ose maksimumi 10 ditë. Shasa Hu, mjeke dermatologe dhe pedagoge në “University of Miami Miller School of Medicine” thotë se djegiet në shkallë më të rëndë duan deri në dy javë që të shërohen.

Edhe pse nuk mund ta përshpejtoni domosdoshmërisht këtë proces, ka disa mënyra si ta lehtësoni në mënyrë që lëkura të kthehet sa më shpejt në gjendje normale.

Çfarë e shkakton djegien nga dielli?

“Energjia e rrezatimit ultraviolet dëmton ADN-në e lëkurës, duke çuar në një përgjigje inflamatore nga ana e trupit,” thotë dermatologu Samer Jaber.

Këto rreze çojnë deri në vdekjen e qelizave të lëkurës dhe si pasojë skuqje, ënjtje dhe dhimbje.

Ja 8 kura të thjeshta që mund t’i bëni në shtëpi për të shpëtuar lëkurën nga djegiet:

-Bëni një kompresë me ujë të ftohtë

Lagni një copë të pastër me ujë të ftohtë dhe aplikojeni në vendin e djegur pesë herë në ditë për rreth 10 minuta për të ftohur lëkurën tuaj. Kjo ndihmon në reduktimin e ndjesisë së nxehtësisë që vjen nga djegia.

-Bëni një dush të ftohtë

Bëni një dush me ujë të ftohtë dhe thajeni me kujdes trupin, ndërsa vendin e djegur lëreni pak më të lagur në mënyrë që lëkura të thithë çdo lloj kremi hidratues që aplikoni.

-Provoni ta lyeni me pak aloe vera

Vendoseni aloe verën në frigorifer dhe përdoreni në vendin ku jeni djegur në formë komprese. Do e shihni që lëkura do të normalizohet shpejt dhe nuk do të ndjeni shumë nxehtësi.

-Merrni një ilaç anti-inflamator

Ilaçet anti-inflamatore, si ibuprofeni reduktojnë inflamacionin dhe dhimbjen e djegies nga dielli duke bllokuar veprimin e faktorëve të tjerë të jashtëm.

-Futuni në një vaskë të mbushur me tërshërë

Bollguri ose tërshera e bluar imët disa përbërës qetësues që mund të pakësojë simptomat e djegies nga dielli. Zhytuni në një vaskë qetësuese për rreth 20 minuta për të hidratuar dhe ushqyer lëkurën tuaj.

-Aplikoni pak qumësht ose kos

Një copë e lagur në qumësht ose kos ndihmon në lëkurën e djegur nga dielli, pasi ka veti qetësuese të dhimbjeve nga kjo djegie.

-Qëndroni të hidratuar

Djegiet nga dielli kërkojnë që ju të konsumoni shumë lëngje për të qenë të hidratuar dhe për të mos ndjerë lëkurën e djegur nga dielli.

-Shmangni ekspozimin e mëtejshëm në diell

Pasi lëkura juaj të digjet, është e rëndësishme të shmangni ekspozimin në diell derisa ajo të shërohet. Dermatologët sugjerojnë që të qëndroni në një mjedis të thatë dhe të rehatshëm me ajër të kondicionuar./anabel