Disa gjendeshin në gjunjë, të tjerë ishin shtrirë barkas, por 18 fëmijë boshnjakë dhe dy mësues të tyre arritën të luanin njëkohësisht një pjesë muzikore në piano, duke shënuar një rekord të ri botëror.
Pjesëmarrësit u trajnuan për 3 muaj për performancën e tyre të përbashkët me pjesën “Galop-Marche”, të cilën kompozitori Albert Lavignac e shkroi në shekullin e XIX për 8 duar.
Shfaqja u mbajt në Bashkinë e qytetit të Sarajevës, e cila i është nënshtruar rinovimeve pasi u përfshi nga flakët gjatë luftës së viteve ’90.
Secili prej pjesëmarrësve përdori një dorë për të luajtur pjesën. Përpjekja e tyre, që ende duhet të njihet zyrtarisht nga “Guinness World Records”, mund rekordin paraprak të vendosur nga 18 të rinj italianë në vitin 2014.
Performuesit e së martës ishin nxënës muzike të moshës 9 deri në 15 vjeç, nga komunitetet boshnjako-kroate dhe serbe. Në një vend ende të përçarë, koncerti përcolli një mesazh paqeje, dashurie e miqësie./tch/
Dejona Mihali po intervistohet nga Prokuroria Speciale për d...
Ismaili takoi Përfaqësuesin e Thesarit të SHBA-së, diskutuan...
Ngritet aktakuzë ndaj shtatë personave për “Kontraband...
Osmani ndan fotografi nga New York: Për ta përfaqësuar Kosov...
Zhduket një i mitur në Gjakovë
Vidhet një shporet në veri, policia duke hetuar rastin