Me faktin se shumicat e personave me diploma janë pa punë apo nuk kanë ndonjë rrogë të lartë krahasuar me disa persona që nuk kanë shkollimin e duhur na bëjnë të mendojmë se gradat universitare nuk janë edhe aq të rëndësishme sa e kemi menduar. E rëndësishme është talenti dhe aftësia për ta zhvilluar atë apo për të kapur momentin e duhur në jetë. Ja disa nga profesionet më të paguara dhe që nuk kanë nevojë për një diplomë.

GAZETARIA: Nëse talenti juaj është të shkruani apo të raportoni një lajm sakte edhe nen presion atëherë mund të investoni në këtë drejtim edhe pse nuk keni një diplomë. Shpesh gazetarët e mëdhenj në botë nuk kanë mbaruar gazetarinë, por një universitet në drejtim krejt të kundërt. Ndoshta pagesat nuk janë të mira në fillim, por me rritjen në karriere do të fitoni mirë.

MARKETING: Nëse ke një aftësi krijuese dhe bindëse, atëherë marketingu mund të jetë fusha juaj. Praktikat në këtë fushë dhe seminaret e organizuar për marketingun do ju ndihmoj në shumë të ecni përpara dhe të zhvilloni talentin tuaj.

FUSHA E MODËS: Për industritë më krijuese, përvoja dhe stili personal shpesh janë favorizues. Në këtë industri, është e gjitha për ndërtimin e portofolit – përfundimisht, ju do të keni lidhje të mira me njerëz të fuqishëm në këtë fushë dhe mund ta filloni menjë rrogë të ulët, por që shumë shpejt do të jepni frytet tuaja nëse punoni shumë dhe keni ide origjinale.

NDIHMËS PERSONAL: Shumë kompani, persona Vip dhe profesione të tjera kanë nevojë për një ndihmës personal apo asistent qe do të kryej me durim të gjitha punët, do të bëj organizimit dhe të ruajë qetësinë edhe në presione të larta. Pagesat ndryshojnë në varësi të kompanisë, por përgjithësisht është një pozicion i vlerësuar edhe pse mund ta ndjeni shpesh veten të shfrytëzuar, pasi duhet të jeni gati në çdo moment të ditës dhe natës.

KONTROLLUES I TRAFIKUT AJROR: Personat që merren me trafikuan ajror nëpër aeroporte janë vërtet të paguar. Për këtë pozicion mjafton një kurs dhe nuk keni nevojë aspak për diplomë speciale.

MENAXHER: Këto persona priren të paguhen mirë për shkak të punëve të ndryshme që bëjnë njëkohësisht. Ata janë përgjegjës për trajtimin e planifikimit, buxhetimit, mbikëqyrjen dhe dokumentimin e të gjitha projekteve apo punës në një kompani të caktuar./EkonomiaOnline/