Papa thotë se kryqi nuk është aksesor

21:46 | 24 Mars 2018
Trina Galanxhi

Papa Françesku ka kritikuar ata që mbajnë kryqin si pjesë të modës, duke e quajtur një gjë të tillë si abuzim i kohëve moderne.

Duke folur në sheshin e Shën Pjetrit në Vatikan, 81-vjeçari tha se simboli fetar duhet të “kuptohet drejt” në vend se të komercializohet dhe të mbahet si aksesor, transmeton portali arbresh.info

“Kryqi nuk është një objekt ornamental apo aksesor”, tha ai.

“Imazhi i Jezusit të kryqëzuar zbulon misterin e vdekjes së Birit si akt supreme i dashurisë, burim i jetës dhe shpëtim i njerëzimit për të gjitha kohërat”, shtoi ai.

Papa vazhdoi të shpjegonte se si kryqi duhet të perceptohet si më shumë sesa thjesht një objekt estetik, duke u kujtuar dëgjuesve kuptimin e tij të fuqishëm fetar duke shpjeguar se çfarë do të thotë për të.

Pavarësisht nga komentet e Papa Françeskut, kryqëzimi ka qenë një element kryesor popullor për vite me radhë dhe është mbatur në emër të stilit nga Madonna, Jennifer Aniston dhe Naomi Campbell./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm