Bukuria mund të mos jetë vetëm pjesë e lëkurës që e shohim ne, por edhe pjesa e brendshme që varet nga mënyra se si ushqehemi.

Sipas një studimi të kryer nga testet e gjakut, është gjetur se njerëzit tërheqës kanë sistem imunitar më të fortë, transmeton portal arbresh.info

Tiparet e lidhura tradicionalisht me atraktivitetin, si fytyra simetrike dhe sytë e shndritshëm, mund të jenë shenja se trupi është më i mirë në luftimin e infeksionit.

Studiuesit besojnë se ne mund të tërhiqemi nga pamje të tilla, sepse truri ynë është i lidhur fort me kërkimin e partnerëve të shëndetshëm.

Summer Mengelkoch, e cila udhëhoqi studimin në Universitetin Kristian të Teksasit, tha: “Njerëzit që dalin në një bar duke kërkuar të flasin me dikë tërheqës, shpesh quhen të cekët dhe atyre u thuhet që nuk shohin përtej pamjes fizike”.

“Por ata thjesht po ndjekin instinktet e tyre për të gjetur një bashkëshort cilësor”, tha ajo.

Për studimin, shkencëtarët fotografuan 152 të rinj pa make-up dhe me shprehje neutrale. Më pas, 492 njerëzve në një anketë në internet iu kërkua të vlerësonin atraktivitetin e tyre, shkruan daily mail.

Burrat dhe gratë që u cilësuan më tërheqës, u gjet se kishin një shkallë më të lartë të fagocitozës.

Ky është procesi me të cilin qelizat e bardha të gjakut ‘hanë’ dhe shkatërrojnë bakteret përpara se “ato të sulmojnë”.

Shkenca: Lini fëmijët të luajnë në baltë, u rritet sistemi imunitar

Burrat e gjykuar si më tërheqës nga gratë kishin qeliza ‘vrasëse natyrore’ më efektive të cilat mund të shkatërrojnë qelizat e infektuara me viruse në trup, kështu që mund të ndihmojnë në luftimin e koronavirusit.

Prej kohësh është thënë se njerëzit tërheqës janë më të shëndetshëm dhe rëndësia e buzëve të kuqe dhe faqeve rozë mund të shpjegojë pse gratë përdorin make-up./arbresh.info/