Njerëzit mbi 50 vjeç, nga 13 vende europiane, u anketuan për jetën e tyre, me theks të veçantë në kohën e jetës në të cilën ata ndiheshin më të lumtur.

Rinia është shumë e dëshirueshme në shoqërinë moderne, dhe produktet dhe trajtimet kundër plakjes që shfaqen nga të gjitha anët janë vetëm disa shembuj të obsesionit tonë për të qenë më të rinj, transmeton portal arbresh.info

Megjithatë, sipas studimit doli se shumica e njerëzve nuk i mbajnë në mend ditët e tyre të adoleshencës ose të njëzetat dhe nuk është se i konsiderojnë ato si ditët më të lumtura të jetës së tyre.

Në fakt, studimi gjeti se të tridhjetat rezultojnë të jenë vitet më të mira.

Studimi i botuar në Social Indicators Research është fokusuar në përvojat retrospektive të jetës mbi moshën 50 vjeç.

Të dhënat treguan se niveli i lumturisë u rrit që nga fëmijëria, por atëherë periudha 30-34 vjeç ishte mosha e lumturisë më të madhe për shumicën e njerëzve.

“Që atëherë, probabiliteti i lumturisë është ulur, megjithëse linja është më e mprehtë për gratë sesa për burrat,” thuhet në studim.

Autorët e studimit thonë se arsyeja për këtë është se ngjarjet e jetës bëhen më të zakonshme në këtë moshë.

“Periudha e të jetuarit së bashku me një partner dhe periudha me fëmijët lidhen ndjeshëm me probabilitetin më të lartë që njerëzit të jetojnë periudhën më të lumtur në jetë sesa periudha kur jetonin vetëm ose pa fëmijë”, thuhet në studim.

Edhe pse krijimi i shtëpisë tuaj dhe krijimi i një familje (nëse kjo është ajo që dëshironi të bëni) është stresuese në atë kohë, ajo periudhë ende mbahet mend si një kohë e lumtur në jetën e mëvonshme.

Përveç kësaj, studimi zbuloi se nuk ka të ngjarë të ndihemi të pakënaqur midis moshës 10 dhe 14 ose 70 vjeç, megjithëse është vërejtur se ata kishin mostra të vogla për këto grupe, kështu që rezultatet mund të mos jenë përfaqësuese./arbresh.info/