Një studim i ri i kryer nga studiues nga Universiteti i Warwick hulumtoi disa nga rreziqet që lidhen me demencën.

Studimi ka gjetur se përjetimi i zolimit social mund të rrisë rrezikun për demencë gjatë jetës së mëvonshme, transmeton portal arbresh.info

“Ka një ndryshim midis izolimit social, i cili është një gjendje objektive e lidhjeve të ulëta sociale, dhe vetmisë, e cila është izolim social i perceptuar subjektivisht,” tha studiuesi Edmund Rolls.

“Të dyja kanë rreziqe të theksuara për shëndetin, por duke përdorur të dhënat e gjëra multi-modale nga Biobank në Britani të Madhe dhe duke punuar në një mënyrë multidisiplinare duke lidhur shkencat kompjuterike dhe neuroshkencën, ne kemi qenë në gjendje të tregojmë se izolimi social është ndër shkaqet kryesore të demencës dhe rrezikon më shumë sesa vetmia”, thuhet në studim.

Studiuesit analizuan të dhënat nga mbi 462,000 pjesëmarrës me një moshë mesatare 57 vjeç, të cilët ishin regjistruar në grupin e të dhënave të Biobank në Britani të Madhe.

Ekipi analizoi skanimet e trurit të pjesëmarrësve dhe llogariti faktorët socio-ekonomikë, demografikë, shëndetësorë dhe të sjelljes, si marrja e alkoolit, statusi i pirjes së duhanit dhe aktiviteti fizik. Ata ndoqën grupin për më shumë se një dekadë për të kuptuar lidhjen midis izolimit social dhe demencës.

Studiuesit mësuan se izolimi social luajti një rol të madh në shëndetin kognitiv afatgjatë të pjesëmarrësve. Ata që përjetuan izolim social kishin 26% më shumë gjasa të zhvillonin demencë.

Gjetjet treguan se vetmia rriti rrezikun e demencës, megjithatë, për pjesëmarrësit që po luftonin gjithashtu me depresionin, lidhja midis izolimit social dhe demencës nuk ishte aq e fortë.

Shkencëtarët thanë se pandemia e koronavirusit ka ndikuar në zakonet sociale të konsumatorëve dhe e ka bërë izolimin më të zakonshëm.

“Me përhapjen në rritje të izolimit social dhe vetmisë gjatë dekadave të fundit, ky ka qenë një problem serioz por i nënvlerësuar i shëndetit publik,” tha Rolls./arbresh.info/