Yjet sugjerojnë dhuratën më të përshtatshme në bazë të shenjës zodiakale në ditën e Shën Jozefit

Një nga ngjarjet më të ëmbla dhe më të këndshme për të kaluar me familjen është Festa e Babait, e cila festohet më 19 mars me rastin e festës së Shën Jozefit. Jo vetëm baballarët janë të lumtur që kanë një ditë të përkushtuar tërësisht për ta, por edhe fëmijët janë të lumtur që mund të gëzojnë me dashurinë e tyre dhe me një dhuratë të vogël. Horoskopi na zbulon se çfarë babai jemi dhe cila është dhurata më e përshtatshme për secilin në bazë të shenjës së zodiakut. Le të frymëzohemi nga Yjet!

DASHI – Për një baba si ju pëlqeni të thuhet se jeni numër një, edhe për shkak se punoni shumë që të jeni me të vërtetë. Ju gjithmonë doni më të mirën për fëmijët tuaj dhe arrini që të respektoheni, duke ruajtur një marrëdhënie miqësore me ta. Një dhuratë që mund t’iu bëj të lumtur është pa dyshim një trofe ose një pllakë që thotë se ju jeni “babai i mirë në botë” ose “babait më të fortë që ekziston”. Është trofeu më i mirë që mund të dëshironi dhe mund ta shfaqni në shtëpi me krenari dhe kënaqësi të madhe.

DEMI – Ju jeni një baba shumë i butë dhe i dashur. Ju pëlqen të kënaqni fëmijët tuaj, ju jeni shumë i zhytur në mendime dhe sigurohuni që ata të mund të kenë një jetë të rehatshme dhe komode. Bëni shumë sakrifica për ta. Për të qenë i kënaqur, mjafton të përqendroheni te shija juaj dhe për këtë arsye një dhuratë e përshtatshme për festën tënde mund të jetë patjetër një kuti me çokollata (mjaft e madhe, përndryshe përfundojnë menjëherë) ose, nëse fëmijët tuaj janë mjaft të rritur për ta zgjedhur, një verë të cilësisë së mirë.

BINJAKËT – Fëmijët tuaj janë mësuar t’iu konsiderojnë si një shok loje. Ju pëlqen të kaloni kohën duke luajtur, duke qeshur dhe duke bërë shaka me ta. Por, ka momente që mund të jeni shumë të rreptë dhe impononi gjëra me shumë autoritet (ndonjëherë shumë). Fëmijët tuaj do të mësojnë nga ju kuriozitetin dhe e dinë se një libër mund të jetë dhurata më e mirë për t’ju bërë të lumtur. Ju lexoni pak nga gjithçka, por fëmijët tuaj mund t’ju habisin me shumë tituj magjepsës dhe të përshtatur për ju.

GAFORRJA – Ju jeni pa dyshim një baba i përkushtuar, që dëshiron të qëndrojë në shtëpi me të gjithë familjen, ndoshta të shtrirë në shtrat dhe duke shikuar një film të mirë. Nuk arrin të zemërohesh me ta sepse i doni shumë. Fëmijët tuaj mund ta mësojnë vlerën e familjes prej jush. Ndër dhuratat më të përshtatshme për shenjën tuaj janë patjetër një palë pizhame ose një palë pantofla, të cilat ju do i vlerësoni shumë. Për ditën e babait nuk mund të humbasë një ëmbëlsirë e mirë në tryezë, e bërë nga nëna.

LUANI – Ti je një baba i përqendruar dhe shpesh dëshiron të mburresh për fëmijët, duke treguar të gjitha cilësitë e tyre fantastike dhe të jashtëzakonshme, që i kanë trashëguar prej teje. Për ju duhet një dhuratë e bollshme dhe të bie shumë në sy, në mënyrë që të tregohet edhe vlera juaj si një baba që i mëson fëmijët e tij të jenë bujarë dhe krijues. Ju emocionoheni shumë dhe fëmijët tuaj mund të bëjnë të lumtur me një fotografi të varur në mur, ose shtypjen e një fotoje që ju portretizon së bashku.

VIRGJËRESHA – Ju u keni mësuar fëmijëve tuaj vlerën e parave, kështu që nuk dëshironi që ata të humbasin kursimet e tyre për t’ju bërë disa dhurata të padobishme. Jeni shumë të saktë dhe të organizuar, gjithmonë të vëmendshëm ndaj çdo detaji të vogël. Ju jeni shumë të zhytur në mendime, por nganjëherë ju mungon dashuria. Dhurata më e mirë që fëmijët tuaj mund t’ju japin është një përqafim! Për të kënaqur më pas, ju mund të dëshironi një pajisje të vogël dhe të lirë për makinën tuaj, e cila është gjithmonë shumë e pastër, aromatike dhe e rregullt.

PESHORJA – Nga të gjithë baballarët e zodiakut, ju jeni definitivisht më eleganti dhe më i rafinuari. I keni mësuar fëmijët tuaj që të jetë gjithmonë të sjellshëm, të rregullt dhe të kujdesen për pamjen e tyre (për shkak se ajo është kartëvizita e parë në shoqëri). Ideja që fëmijët tuaj të bukur ju bëjnë një dhuratë për Ditën e Babait ju mbush me gëzim. Dhe ju mbush akoma me më shumë gëzim momenti kur keni para një pako të bukur, që ka në brendësi parfumin tuaj të preferuar ose materiale për produkte të kujdesit personal.

AKREPI – Ju jeni një person i errët dhe misterioz, por si baba nxirrni në pah anën tuaj të butë dhe të ëmbël. Ju pëlqen të mbushni fëmijët tuaj me puthje dhe përqafime, në mënyrë që ta ndiejnë dashurinë tuaj të ngrohtë. Por kur zemërohesh, ata e dinë se duhet të të qëndrojnë larg. Për Ditën e Babait mund të dëshironi të merrni diçka personale, si për shembull një veshje (triko, këmishë, t-shirt, tuta) të zgjedhur me kujdes, duke respektuar shijet tuaja: është e lehtë t’i zgjedhin sepse gjithmonë vesh rroba të errëta.

SHIGJETARI – Si baba, ju jeni një nga më argëtuesit e zodiakut. Mësojuni fëmijëve tuaj optimizmin, në mënyrë që të dinë të ngrihen sa herë rrëzohen dhe të buzëqeshin edhe kur janë në vështirësi. Zakonisht jeni ju që i mbushni me dhurata, por, me rastin e Ditës së Babait, janë ata që ju surprizojnë, duke ju dhuruar një biletë për koncertin e njërit prej këngëtarëve tuaj të preferuar ose në një ndeshje futbolli (ose ndonjë sport tjetër). Por, ajo që të mbush më shumë me gëzim është që t’i kesh shokë fëmijët e tu.

BRICJAPI – Fëmijët tuaj e dinë mirë që nuk ju pëlqen të festoni, por ata duan të festojnë gjithsesi dhe gjëja më e mirë që ju mund të bëni është t’i lini të përjetojnë entuziazmin dhe gëzimin e tyre. Për ju duhen dhurata të dobishme që mund t’i shfrytëzoni në jetën e përditshme. Mund të zgjedhin t’iu dhurojnë diçka për zyrë, si një stilolaps apo një axhendë të vogël për të shënuar angazhimet tuaja, duke përfshirë edhe kohën që e lë për ta shpenzuar me ta.

UJORI – Ju nuk jeni medoemos një baba tradicional. Nuk e pëlqeni idenë që duhet t’u jepni fëmijëve rregulla që as ju vetë nuk i respektoni, por shpesh ju jeni me fat që keni fëmijë me një vetëdisiplinë të madhe. I konsideron ata si shumë inteligjent, ashtu si ju, dhe se inteligjenca e tyre me siguri do t’i orientojë në zgjedhjen e një dhurate për nivelin tuaj, si një aksesor të thjeshtë për telefonin tuaj celular ose PC, apo diçka teknologjike. Me shumë mundësi do të jenë ata që do t’iu mësojnë se si ta përdorni atë.

PESHQIT – Ju jeni një baba shumë i butë, i ëmbël, i kujdesshëm dhe shpesh shumë i shqetësuar për fëmijët tuaj. Ata e kuptojnë që të vegjël që ju shqetësoheni për ta dhe për këtë arsye ndonjëherë ju thonë ndonjë gënjeshtër të vogël. Kanë mësuar prej jush që të bëjnë dhurata të bukura dhe personale, të zgjedhura me zemër. Për Ditën e Babait do të zgjidhnin një valixhe ose një karrocë ose një qese sepse, me Jupiterin në fushën e nëntë, priten për ju udhëtime të gjata dhe të rëndësishme në muajt e ardhshëm./gsh/