Dashi

Gjatë kësaj dite do jeni mjaft intuitivë dhe keni për të arritur çdo gjë që dëshironi. Edhe në momente delikate do dini të bëni zgjedhje. Për ju të dashuruarit e sotmja do jetë e shkëlqyer. Gjatë gjithë kohës do përjetoni emocione të forta dhe do i harroni problemet që keni pasur më herët. Ju beqarët nuk do ndiheni ende gati për të filluar një lidhje, por miqtë nuk do iu lënë asnjë moment vetëm që të mërziteni. Në punë edhe sikur ta humbni durimin dhe të mendoni ta lëshoni veten miqtë nuk do ua lejojnë. Së bashku me ta do arrini objektivat e programuara. Buxhetin do mundoheni fort ta ekuilibroni, por për fat të keq nuk do ja arrini dot.

Demi

Mendohuni mirë para se të veproni gjatë kësaj dite sepse çdo hap do ketë ndikim të madh tek e ardhmja. Nëse keni një lidhje, komunikimi, dialogu dhe mirësjellja nga të dy palët do bëjë që jeta juaj sentimentale të ecë më së miri. Nuk do keni aspak mosmarrëveshje apo debate me partnerin. Ju beqarët sado të mundoheni të bëni ndryshime të statusit nuk do ja dilni dot. Në punë do i keni shumë të qarta gjërat që do bëni kështu që nuk do mundoheni. Në fakt edhe kolegët e të afërmit do ju ndihmojnë. Buxheti nuk do jetë në gjendje shumë të mirë kështu që do ju duhet të merrni edhe borxhe për t’ia dalë mbanë.

Binjakët

Në shumë raste do hezitoni të veproni gjatë kësaj dite, kur në fakt duhet ta lini veten më të lirë. Yjet do i keni në krah. Nëse keni një lidhje mos hezitoni të diskutoni me partnerin tuaj për çdo gjë dhe keni për ta parë që çdo gjë mes ju të dyve ka për të ecur për mrekulli. Komunikimi do ju afrojë edhe me tepër dhe do iu bëjë të kuptoni edhe anë të tjera të njëri-tjetrit. Ju beqarët më mirë të mos ndërmarrin shumë rreziqe për të ndryshuar situatën sepse do gabojnë e do lëndohen. Në punë, të gjitha përpjekjet që keni bërë për ta ndryshuar situatën kanë për të dhënë rezultat. Ja që me përpjekje arrihet çdo gjë. Financat do jenë të mira, por jo aq sa për të bere investime të palogjikshme.

Gaforrja

Ka rrezik të bëni gabime gjatë kësaj dite dhe jeta do ju marrë një kthesë jo të mirë. Çështjet e zemrës për ju të dashuruarit nuk kanë për të ecur më së miri. Mund të keni mosmarrëveshje për tema delikate dhe mund t’i thoni njëri-tjetrit gjëra tejet të gabuara. Ju beqarët më mirë ta lini veten të lirë dhe të bëni atë që do mendoni më të arsyeshmen. Në punë dëgjojini me kujdes këshillat që do iu japin disa kolegë të vjetër sepse ata kanë më tepër përvojë se ju. Nuk keni për t’u zhgënjyer më vonë. Në planin financiar do mbizotërojë gjatë gjithë kohës ekuilibri. Ndihma e familjarëve ka për të qenë gjithashtu e çmuar.

Luani

Sot do keni shumë shije dhe do i bëni gjërat si duhet. Mjaft gjëra do lulëzojnë. Nëse keni një lidhje, marrëdhënia me partnerin do forcohet akoma më tepër. Në shumë momente do jeni si një trup i vetëm me të pasi do kuptoheni me shikime dhe do mendoni njësoj për çdo veprim që duhet bërë. Ju beqarët do bëni mirë të mos hidhni asnjë lloj hapi sepse nuk është dita juaj me fat. Në punë do keni surpriza shumë të bukura nga shefat dhe këto do ju shtyjnë të mos i ndalni përpjekjet për të arritur më lart. Kur vlerësohesh e bën çdo gjë me më shumë dëshirë. Në planin financiar duhet të merrni masa më strikte që ta vini situatën nën kontroll.

Virgjëresha

Sado që të mundoheni gjatë kësaj dite nuk do ja dilni dot të arrini atje ku doni. Shpesh do ju mungojë motivimi dhe frymëzimi. Për ju të dashuruarit e sotmja do jetë rutine dhe pa ndonjë emocion të veçantë. Edhe pse në shumë raste do ndiheni të mërzitur, nuk do hidhni asnjë lloj hapi për të bërë ndryshime. Ju beqarët do keni një ditë intensive dhe të mbushur me takime mjaft interesante. Në punë edhe pas shumë përpjekjeve nuk do arrini dot të gjeni një zgjidhje për problemet që keni pasur. Buxhetin duhet ta menaxhoni me sa më shumë kujdes pasi vetëm ashtu do e mbani atë të qëndrueshëm dhe nuk do keni vështirësi për të kryer shpenzimet e nevojshme.

Peshorja

E sotmja do jetë shumë e lumtur për ju dhe do doni që orët të mos kenë një fund. Për ju të dashuruarit e sotmja do jetë sensuale. Do e dëgjoni gjithë kohës zemrën tuaj dhe do bëni atë që ajo do ju thotë. Ju beqarët do jeni më të logjikshëm dhe nuk do hidhni hapa të pamenduara. Ka mundësi që të mos filloni lidhjet e ëndërruara, por do hidhni themelet e forta për to. Në punë nuk do jetë asnjë lloj vështirësie përkundrazi gjërat do ecin edhe më mirë nga sa i kishit menduar. Në planin financiar vështirësitë do jenë të mëdha dhe do ju duhet të merrni edhe borxhe për t’ia dalë.

Akrepi

Ka shumë mundësi që të jeni tej mase të ndjeshëm gjatë kësaj dite dhe mund të bëni gabime të pafalshme. Nëse jeni në një lidhje duhet të merrni patjetër masa që ta stabilizoni lidhjen e krijuar. Me pak më shumë tolerancë dhe mirëkuptim mund të arrihet çdo gjë. Ju beqarët më mirë t’i merrni gjërat shtruar sepse nxitimi mund t’iu çojë vetëm në rrugë të gabuar. Në punë nuk do ndiheni aspak në ankth sepse e dini mirë radhën e gjërave. Gjithçka do e realizoni sipas planeve. Financat do jenë shumë herë më të mira nga sa i kishit menduar. Nuk do keni asnjë lloj problemi në këtë sektor.

Shigjetari

Gjatë kësaj dite nuk pritet të ndodhë ndonjë gjë e jashtëzakonshme dhe shpesh do mërziteni. Për ju të dashuruarit ka rrezik që e sotmja të jetë rutinë dhe zemra nuk do ndihet mirë. Mundohuni të bëni gjëra të reja që emocionet të shtohen. Ju beqarët do jeni impulsive dhe do pranoni të dilni me persona që në fakt nuk ja vlejnë. Në punë do ndërmerrni iniciativa të reja dhe do ecni me ideale. Një koleg mund t’iu bëjë edhe disa propozime mjaft interesante. Në planin financiar Jupiteri do sjellë fat me shumicë. Gjendja do ketë aq përmirësim saqë nuk do e besoni dot se jeni në realitet.

Bricjapi

Dita e sotme do nisë më qetësisht se e djeshmja dhe ju do ndiheni më mirë. Nëse keni një lidhje partneri do jetë gjatë gjithë kohës në anën tuaj dhe do mundohet me sa të mundet t’ua plotësojë të gjitha dëshirat. E rëndësishme është që emocionet do shtohen fuqishëm në mesditë. Ju beqarët do keni një tërheqje të fortë nga dikush dhe nuk do prisni shumë për të filluar edhe një lidhje pasionante. Në punë ka ardhur koha të diskutoni me shefat edhe ndonjë ngritje rroge. Prisni më vonë përgjigjen prej tyre duke u treguar të duruar. Sektori i financave do ketë një transformim rrënjësor e pozitiv.

Ujori

Yjet do iu hapin shumë dyer gjatë kësaj dite dhe do ju duket vejan më të rëndësishëm se më parë. Nëse keni një lidhje, jetës tuaj sentimentale nuk do i mungojnë momentet interesante. Për asnjë moment nuk do qëndroni në heshtje me partnerin tuaj, përkundrazi do flisni me zë të lartë dhe do i shprehni të gjitha ndjenjat dhe idetë. Ju beqarët do jeni më euforikë pasi të takoni dikë pasdite. Jeta juaj profesionale do jetë goxha e mirë dhe e qëndrueshme. Do ndiheni të plotësuar edhe në këtë plan. Në planin financiar ka rrezik që Plutoni të ndikojë negativisht dhe të sjelle goxha probleme.

Peshqit

Shpesh do ndiheni nervozë gjatë kësaj dite dhe mjaft të tensionuar. Në disa momente do ju duket sikur asgjë nuk do ju ecën si duhet. Për ju të dashuruarit, edhe pse presioni nga jashtë do jetë i tejskajshëm gjithë kohës, ju nuk do i dëgjoni aspak të tjerët dhe do bëni gjithçka që dëshironi. Partneri do jete më i çiltër dhe do dijë edhe t’iu surprizojë. Ju beqarët nuk do dini si ta joshni atë që pëlqeni dhe ka rrezik që ai t’iu ikë nga duart. Në punë kompetencat dhe aftësitë që keni do bëjnë shumë persona xhelozë. Mos lejoni askënd t’iu shkatërrojë planet. Në planin financiar fati do jetë me shumicë dhe gjendja do vijë shumë shpejt duke u normalizuar.