Dashi – Do të keni kohë dhe mundësi për t’u shprehur gjatë kësaj dite dhe pikërisht për këtë arsye do të jeni në maksimumin e mundësive tuaja. Një situatë e tillë ju pëlqen shumë, pasi tensioni është një ndjenjë që ju transmeton forcë dhe eksitim në të njëjtin moment. Jepni më të mirën për objektivin tuaj dhe do e arrini. Jeta juaj në çift do jetë shumë herë më e mirë sot. Beqarët do njihen me persona interesante kur të shkojnë në kinema, në teatër apo në ndonjë feste me miqtë. Për financat do jetë ditë e stuhishme.

Demi – Suksesi herët ose vonë do të vijë, ndonëse mund të keni humbur shpresën, e rëndësishme është që të angazhoheni në atë që doni. Ndoshta keni lejuar që dikush të ndikojë pak si shumë negativisht te ju duke ju turbulluar qartësinë. Respektojini mendimet e tjetrit gjatë gjithë kësaj dite nëse doni që gjithçka t’iu ece si keni dëshiruar. Beqarët duhet të këshillohen me disa miq para se të hedhin hapa me rëndësi.

Binjakët – Nëse për këtë ditë nuk keni programuar asgjë, atëherë është mirë që të mos humbni kohë. Do ju pëlqejë të bëni diçka ndryshe. Sigurisht është mirë që të distancoheni disi nga gjithçka që ju bën të ndiheni të stresuar, sidomos nga ato gjëra që ju pengojnë të relaksoheni siç doni. Sektori i dashurisë do jetë i lidhur ngushtë me yjet gjatë kësaj dite. Beqarët do marrin deklarata të forta dashurie të cilat do i bëjnë të emocionohen pa fund.

Gaforrja – Ylli juaj udhëheqës do ju nervozojë, ndaj bëni kujdes që të mos bini në kurth dhe të reagoni. Ndikimi i Marsit do të bëjë që të keni sukses në punë dhe sa i takon ndjenjave situata do të vijë drejt përmirësimit. Nëse jeni në një lidhje prej shumë kohësh, asgjë nuk mund ta trazojë atë. Beqarët do jenë gjithë ditës në kërkim të princit të kaltër, por nuk do arrijnë dot ta gjejnë atë.

Luani – Lëreni zemrën tuaj që të flasë, pasi bujaria juaj do ju nxjerr veç për mirë. Do të keni një sërë planetesh në favorin tuaj dhe kjo gjë do ju lejojë që të keni një pamje më të qartë për gjërat. Marrëdhënia në çift do jetë goxha e tendosur gjatë kësaj dite. Beqarët duhet të bëjnë atë që do ju thotë zemra nëse duan vërtet të krijojnë një lidhje afatgjate.

Virgjëresha – Nuk do të jetë një ditë gjatë të cilës do të pushoni dhe relaksoheni, por do të jeni të zënë deri në fyt. Do të merreni me organizimin deri në detaje të planeve që keni për javën që do të nisë. Marrëdhënia me partnerin do fillojë të përmirësohet gjatë kësaj dite. Beqarët do kenë dashuri me shikim të parë në momentin që më pak e presin. Gjithçka ka për t’iu ndryshuar njëherë e mirë.

Peshorja – Gjithçka ju duket e qartë dhe e mundur. Do të rigjeni besimin, kujdesin dhe vëmendjen që ju mungonte. Gjatë së dielës do të arrini të realizoni objektivat kryesorë tuaj. Duhet ta shmangni sa më shumë që të mundeni rutinën gjatë kësaj dite. Beqaret do jenë të vendosur të kalojnë çdo lloj sfide vetëm që të arrijnë ta bëjnë për vete princin e kaltër.

Akrepi – Kohëve të fundit në punë keni pasur disa momente të sikletshme, por tashmë po e kaloni këtë fazë. Transformimet dhe ndryshimet e vështira në sajë të ndikimit të Mërkurit, tashmë do jenë më të lehta. Do pajtoheni më në fund me partnerin tuaj sot dhe do filloni të programoni të ardhmen. Beqaret do dashurohen kokë e këmbë me një person që ka kohë që ju qëndron pranë.

Shigjetari – Nuk duhet me patjetër të rindërtoni raportet e komplikuara. Në sajë të ndikimit të fuqishëm të Hënës, ato lidhje aq të forta do të kapërcehen duke ju lënë të ecni me vendosmëri përpara. Planetët do e trazojnë tej mase sot jetën tuaj në çift dhe asgjë nuk ka për t’iu ecur ashtu si keni dëshiruar. Beqaret do ndihen të lodhur dhe nuk do kenë aspak dëshirë të dalin e të njihen me persona të rinj..

Bricjapi – Partneri/ja dëshiron që të jetë më shumë se një shpatull e sigurtë ku ju të qani, por edhe bashkëpunëtor në planet tuaja. Në sajë të mbështetjes së planetëve në shenjën tuaj do të keni një vitalitet në rritje. Tregohuni sa më të arsyeshëm sot me atë që keni në krah nëse nuk doni të keni probleme. Beqaret do jenë sharmantë dhe do mund ta gjejnë princin e tyre të kaltër.

Ujori – Mundësitë që prisnit prej kohësh po afrohen. Duhet vetëm të keni durim dhe të mendoni pozitivisht. Keni pasur shumë probleme sa që nuk i keni parë sinjalet që u janë drejtuar, por tani gjërat do të ndryshojnë. Mos e provokoni partnerin tuaj sot dhe nga ana tjetër bëni shumë kujdes me xhelozinë. Beqaret duhet të përgatiten për të ndryshuar statusin. Mundësitë do jenë të shkëlqyera.

Peshqit – E diela do ju gjejë të ezauruar, por të shpërblyer prej rezultateve që keni marrë nga puna juaj. Për këtë arsye do mund të pushoni plotësisht dhe të relaksoheni nën shoqërinë e njeriut tuaj të zemrës. Ditë mjaft harmonike kjo e sotmja për ata që janë në një lidhje. Beqaret nuk do e kenë mendjen tek krijimi i një lidhjeje, por papritur dikush do i bëjë të ëndërrojnë.