Google ADS

Gruaja dënohet se hapi email-in e burrit pa lejen e tij…pavarësisht që zbuloi tradhëtinë

20:52 | 20 Dhjetor 2017
Trina Galanxhi

Një grua është dënuar që ka hapur postën elektronike të burrit të saj, edhe pse zbuloi gjëra të pahijshme aty.

Gruaja nga Zvicra u bë e dyshimtë pasi burri i saj krijoi një llogari të dytë në kompjuterin e shtëpisë, shkruan “Aargauer Zeitung”, transmeton portali arbresh.info

Çifti i paidentifikuar deri me tani ia dinin njëri-tjetrit fjalëkalimet.

Burri i saj përdori një nga këto fjalëkalime për email-in e ri, kështuqë gruaja të ishte në gjendje të hynte dhe lexonte email-at e tij.

Aty ajo zbuloi se ai kishte pasur marrëdhënie me disa gra të tjera.

Ajo u përball me burrin e saj, i cili u largua nga shtëpia e tyre dhe më pas paraqiti ankesë penale kundër gruas së tij.

Në shkurt të këtij viti dënuan me një gjobë të pezulluar deri në 9,900 franga zvicerane, plus një gjobë prej 4,300 frangash për ndërhyrjen e paautorizuar.

Leximi i të dhënave private është e paligjshme sipas nenit 143 të kodit penal zviceran. Sipas kodit, një akt i tillë dënohet me gjobë ose me burgim deri në tre vjet./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm