“Predictim”, me seli në Kaliforni, ofron një shërbim që kalon ne sitë aktivitetin e “babysitter”-ve të ardhshëm në mediet sociale, në mënyrë që të verifikojë sesa të sigurtë janë.
Shërbimi kërkon për postime mbi lëndët narkotike, dhunën apo ndonjë përmbajtje tjetër të padëshirueshme. Çështja është se, kritikët këmbëngulin se nuk mund të besohen algoritmet, kur vjen fjala te këshillat mbi një person dhe sa është i pranueshëm ai për punësim.
Më herët gjatë muajit, pas zbulimit të këtij akvititeti, Facebooku e hoqi shumicën e qasjes së “Predictim”-it te përdoruesit, me arsyetimin se firma bie ndesh me politikat e saj të përdorimit të të dhënave personale, transmeton Top channel.
Facebook po heton tani për të parë nëse në fund do ta bllokojë firmën plotësisht nga platforma e tij, pasi “Predictim” tha se ende tërheq të dhëna publike të gjigantit të rrjeteve sociale, në mënyrë që të ndihmojë algoritmet e veta.
“Të gjithë i kërkojnë njerëzit në mediet sociale, hyjnë e i kërkojnë në Google”, ishte komenti i shefit ekzekutiv të kompanisë, njëkohësisht bashkëthemelues i saj, Sal Parsa.
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...