Çdo ditë, rreth 137 gra në të gjithë botën vriten nga një anëtar i familjes, dhe 52 nga ato vrasje ndodhin në Afrikë. Kjo është në sfondin e 1 në 3 gra në të gjithë botën që përjetojnë dhunë fizike ose seksuale gjatë jetës së tyre.

Gjatë pandemisë së Covid-19, kjo epidemi e heshtur ndaj grave dhe vajzave është duke u zgjeruar dhe nuk po merr vëmendjen e duhur, transmeton portal arbresh.info

Gjatë shpërthimit të Ebolas në vitin 2014, të gjithë kemi qenë dëshmitarë të një ‘epidemie’ të përdhunimeve dhe dhunës seksuale ndaj grave. Shumë shkolla duhej të mbylleshin, gjë që përkeqësoi pabarazinë, pasi vajzat kishin më pak të ngjarë të ktheheshin në klasë sesa djemtë. Shumë vajza u detyruan të hyjnë në tregun e punës ose të mbajnë detyra shtesë në shtëpi, duke çuar në rritje të dhunës në familje dhe shtatzënive të adoleshencës.

Për shkak të Covid-19, një studim i fundit i kryer nga Save the Children ka alarmuar se rreth 2.5 milionë vajza në të gjithë botën rrezikojnë që të përjetojnë martesë të hershme gjatë pesë viteve të fundit.

Pandemia e fundit është duke sjellë dëm në jetën dhe ekonominë afrikane, duke shtyrë deri në 40 milionë njerëz në Afrikë që të jetojnë në varfëri ekstreme. Gratë po mbajnë barrën më të madhe të kësaj pasoje ekonomike dhe sociale. Në fakt, gratë janë në rrezik më të lartë për të humbur burimin e tyre të jetesës pa ndonjë rrjet sigurie për t’u drejtuar pasi ato punojnë në mënyrë disproporcionale në sektorin informal dhe janë të përjashtuara nga masat e mbrojtjes sociale që synojnë punëtorët.

Vendet e Afrikës vaksinat kundër COVID-19 do t’i marrin gjatë vitit të ardhshëm

Shumë nga punonjësit e shëndetit në vijën e parë dhe personat e parë që përgjigjen janë gra, duke i vendosur ato në rrezik shumë më të madh të kontraktimit të Covid-19 dhe transmetimit poashtu. Me mbylljen e shkollave dhe kujdesit ditor, nënat duhet të balancojnë punësimin me kohë të plotë me përgjegjësitë e kujdesit për fëmijët dhe shkollës ndërsa kalojnë një kohë disproporcionale në aktivitete të papaguara në shtëpi. Për më tepër, në kohën e distancimit shoqëror dhe izolimit shoqëror nga familjet e tyre të gjera dhe komunitetet, gratë kanë më pak mundësi për t’i shpëtuar partnerëve abuzivë dhe rastet e raportuara të dhunës po rriten.

Edhe Europa poashtu ka përjetuar një rritje drastike të raportimeve të dhunës në familje gjatë fazës së parë të pandemisë, ndërsa një numër i madh familjesh janë duke kaluar nëpër faza të divorcit për shkak të rëndesës psikologjike që ka dhënë izolimi.

Gjatë epidemisë së Ebolas në Sierra Leone, vajzat në zonat e goditura rëndë kishin dy herë më shumë gjasa të mbeteshin shtatzënë sesa vajzat në komunitetet më pak të prekura. Kjo rriti numrin e vajzave që braktisin shkollën duke kufizuar gjithashtu trajektoren e tyre të jetës në planin afatgjatë. Shumë vajza që janë jashtë mjedisit shkollor mbrojtës janë gjithnjë e më të prekshme nga shtatzënia e hershme dhe dhuna me bazë gjinore.

Siç thotë një fjalë e urtë afrikane: “Gratë janë pjesë e origjinës së misterit të madh të jetës në tokë; ata e dinë sekretin e një jete të mirë”.

Sekreti i një jete më të mirë është një e ardhme ku ne të arrijmë barazinë gjinore dhe të gjitha gratë dhe vajzat tona të fuqizohen. Ndërsa vazhdojmë të luftojmë ndikimet e shumta të Covid-19, shumë qeveri në botë kanë harruar ‘epideminë e heshtur’ të dhunës ndaj grave që po përjetojnë shumë gra nëpër botë.

Dhënia e zërit dhe liria e zgjedhjes grave dhe vajzave, dhe sigurimi i mirëqenies së tyre, është mënyra e vetme që shoqëritë të dalin më të forta nga kriza e pas pandemisë./arbresh.info/