“Një puthje e mirë, mund të mbajë larg doktorin”, edhe pse duket si një ekzagjerim, është totalisht e vërtetë.

Përveç faktit se është një ndër eksperiencat më të mira të jetës, puthja me partnerin mund të sjellë një sërë përfitimesh dhe ju ndihmon të jetoni më gjatë. Bright Side e ka gjetur ekzaktësisht se çfarë i ndodh trupit tuaj kur putheni me partnerin dhe na tregon si ndikon kjo gjë në cilësinë e jetës:

Puthja lehtëson alergjitë

Një seancën 30 minutëshe puthjesh mund të reduktojë alergjitë e shkaktuara nga poleni ose pluhuri.

Ul stresin

Nëse shpesh ndiheni të stresuar, puthja është aktiviteti i përsosur për të lehtësuar tensionin. Kur puthni, trupi juaj prodhon oxytocin, i cili është një kimikat natyror qetësues. Ky hormon ndalon lëvizjen në mendjen tuaj, shëron ankthin dhe ju bën të ndiheni më të relaksuar.

Djeg kaloritë

Puthja mund t’ju ndihmojë të digjni deri në 120 kalori në orë. Natyrisht, kjo gjë nuk do të zëvendësojë stërvitjen, por sigurisht që nuk duhet të shqetësoheni për një ëmbëlsirë të vogël pas darkës. Vetëm mos harroni një rregull, sa më gjatë që jeni të angazhuar në procesin e puthjes, aq më shumë kalori do të digjen.

Ju bën të dukeni më të rinj

Një puthje pasionante përfshin rreth 23-34 muskujt bazë të fytyrës dhe 112 muskujt postural. Tonizimi i këtyre muskujve mund t’ju ndihmojë të zbutni rrudhat, të formoni qafën tuaj dhe të ngadalësoni procesin e plakjes së lëkurës, veçanërisht rreth faqeve tuaja.

Zvogëlon presionin e gjakut

Puthja është e mirë për zemrën tuaj dhe jo vetëm në një mënyrë romantike. Një puthje e gjatë dhe pasionante rregullon rrahjet e zemrës tuaj, ul nivelet e kolesterolit dhe ul tensionin e gjakut duke zgjeruar enët e gjakut. Kur qarkullimi i gjakut përmirësohet, të gjitha organet tuaja jetësore, duke përfshirë edhe zemrën tuaj, bëhen shumë më të shëndetshme. Pra, sa më shumë të puthësh, aq më të vogla janë gjasat që do të keni probleme me zemrën tuaj.

Lehtëson dhimbjet e kokës

Efekti i zjarrtë i puthjes në enët e gjakut ka edhe një përfitim: ndihmon në lehtësimin e dhimbjeve, sidomos ato të kokës dhe menstruale. Pra, herës tjetër që të jeni me cikël: Mos nxitoni për të marrë ilaçe dhimbjeje apo medikamente të tjera, thjesht provoni një seancë të mirë dhe të gjatë puthjesh.

Parandalon dëmtimin e dhëmbëve

Puthja mund të konsiderohet një proces i pastrimit natyror për dhëmbët tuaj. Kur jeni duke puthur, nxirrni më shumë pështymë në gojën tuaj dhe kjo pështymë shtesë neutralizon acidet, largon grimcat e ushqimit dhe i heq bakteret jashtë dhëmbëve. Natyrisht, nuk duhet të heqësh dorë plotësisht nga procedurat e zakonshme të higjienës, por një puthje e mirë pas një vakti do t’ju ndihmojë të parandaloni ngritjen e pllakave dhe të shmangni prishjen e dhëmbëve.