Në një kohë kur vetëvlerësimi dhe imazhi personal janë në qendër të vëmendjes është e rëndësishme të bëjmë dallimin midis dashurisë së shëndetshme për veten dhe narcizmit

Dashuria për veten përfshin një këndvështrim të balancuar mbi vlerën personale dhe mirëqenien, ndërsa narcizmi është një shfaqje e tepruar e vetëadmirimit që shpesh dëmton marrëdhëniet dhe shëndetin mendor.

Dashuria për veten është një atribut i domosdoshëm për mirëqenien tonë. Ajo nënkupton të pranuarit dhe të respektuarit e vetvetes në mënyrë të shëndetshme. Kjo përfshin pranimin e forcave dhe dobësive tuaja, vendosjen e kufijve të shëndetshëm dhe ndihmën e sinqertë ndaj të tjerëve, pa pritur shpërblime të menjëhershme.

Një individ që praktikon dashurinë për veten ndihmon të tjerët dhe mbështet marrëdhëniet e shëndetshme, ndërsa ruan një vetëvlerësim të qëndrueshëm dhe të ekuilibruar.

Nga ana tjetër, narcizmi është një formë e skajshme e vetëvlerësimit që shpesh përfshin një kërkesë të vazhdueshme për adhurim dhe një mungesë të theksuar të empatisë.

Një narcist, zakonisht kërkon vëmendje të përhershme dhe është i paaftë të ndiejë dhe të kuptojë nevojat e të tjerëve. Kjo shpesh çon në marrëdhënie të thyer dhe konflikte të vazhdueshme, pasi individët narcistë shpesh e shohin botën vetëm përmes prizmit të interesit të tyre.

Dallimet kryesore janë të qarta: Dashuria për veten ndihmon në krijimin e një vetëvlerësimi të balancuar dhe ndihmon në zhvillimin e marrëdhënieve të shëndetshme, ndërsa narcizmi fokusohet në nevojën për adhurim të vazhdueshëm dhe shpesh dëmton marrëdhëniet dhe shëndetin mendor.

Njerëzit që praktikojnë dashurinë për veten janë të aftë të pranojnë dobësitë e tyre dhe të punojnë mbi to, ndërsa narcistët shpesh i mohojnë dobësitë dhe projektojnë fajin te të tjerët.

Për të kultivuar një dashuri të shëndetshme për veten është e rëndësishme të pranoni vlerën tuaj të vërtetë dhe të vendosni synime të arsyeshme që kontribuojnë në zhvillimin persona, citon Anabel.

Të jeni të ndjeshëm ndaj ndjesive të të tjerëve dhe të mbani marrëdhënie të ndershme, pa kërkuar shpërblime të menjëhershme, janë elementë kyç për ndërtimin e një dashurie të shëndetshme për veten. /Telegrafi/