I quajtur si “Game of Thrones” Ertugrul tregon historinë para themelimit të Perandorisë Osmane në Anadoll të shekullit të 13-të.  Seriali ilustron luftën e Ertugrul Gazi, babait të udhëheqësit të parë të perandorisë.

Ky serial pati ndikim të madh te një grua 60-vjeçare nga Amerika, e cila pasi përfundoi serialin vendosi që të kthehet në myslimane, shkruajnë mediat turke, transmeton portal arbresh.infi

Banorja e Ëisconsin zgjodhi emrin e “Khadija” pas konvertimit të saj në Islam dhe i tha Anadolu Agency se ajo u ndesh me Ringjalljen: Ertugrul ndërsa po shfletonte Netflix.

“E shikova të gjithë serialin dhe mësova shumë rreth historisë së asaj kohe”, tha ajo.

“Po mësoja për një histori për të cilën nuk dija asgjë. Ajo që dëgjova për Zotin, Islamin, paqen, drejtësinë dhe ndihmën më tërhoqi vëmendjen dhe më lidhi me serialin, ”shtoi ajo.

Duke theksuar se dialogët e Muhyiddin Ibn Arabi-t i dhanë një kuptim të ri jetës së saj, ajo tha se fjalët e tij e bënin të mendonte shumë dhe ndonjëherë të qante.

“Seriali më tërhoqi aq shumë saqë mbarova të gjitha episodet e tij katër herë dhe fillova ta shikoja për herë të pestë. Unë kërkoj imazhet në internet dhe i shikoj ata të mësojnë më shumë,” shtoi ajo.

Megjithëse ajo ishte një Katolike Baptiste, të gjitha pikëpyetjet në kokën e saj u pastruan dhe ajo përfundimisht u bë më e interesuar për Islamin, tha ajo.

Duke vënë në dukje se ajo lexoi librin e shenjtë mysliman të Kur’anit në anglisht për të mësuar më shumë rreth Islamit, ajo shpjegoi procesin pasi vendosi të bëhej myslimane.

“Isha e sigurtë që unë i përkas këtij besimi. Kur hulumtova në internet, kuptova se ishte një xhami e vogël në zonën ku jetoja. Kur shkova atje, pashë që çdo mysliman që takova ishte shumë i mirë” ajo tha.

Ajo ndër të tjera ka theksuar se ka hasur në reagime të shumta nga rrethi i saj miqësor, por ata i quan “të shpërlarë nga truri”./arbresh.info/