Jeni takuar me partnerin e ëndërrave dhe prej disa kohësh jeni bashkë.  Dëshironi të besoni se jeni krijuar për njëri-tjetrin, por ka ende një pjesë e juaja që dyshon se një gjë e tillë është e mundur në këtë botë të papërsosur.

4 shenja mund të tregojnë që në të vërtetë jeni në lidhje me personin e duhur, transmeton portal arbresh.info

Ndiheni të qetë

Jeni të lumtur në një lidhje dhe nuk ëndërroni se si do të ishit me dikë tjetër. Ndoshta çdo ditë juaj nuk është e mbushur me lumturi dhe prosperitet, por kjo nuk ju mërzit shumë, sepse e dini që personi pranë jush ju do dhe ju respekton pa masë.

Dhuroni lumturi edhe ju

Jeni të vetëdijshëm se jeni krijuesi i lumturisë suaj dhe se është një qëndrim i shëndetshëm, i cili heq barrën nga partneri juaj. Marrëdhëniet në të cilat një person pret që tjetri ta bëjë atë të lumtur nuk funksionojnë afatgjatë, sepse në rrethana të tilla është e pashmangshme që njëri partner të punojë shumë më tepër për kënaqësinë e tjetrit sesa tjetri të punojë për të dhe kjo sjell më pas te ndjenjat e neglizhencës dhe pakënaqësisë.

Qëllimet e përbashkëta 

Mosmarrëveshjet e herëpashershme janë normale në çdo marrëdhënie. Ajo që është e rëndësishme është që të ndani të njëjtat synime afatgjata me partnerin tuaj. Një marrëdhënie serioze përfundon kur nuk ka marrëveshje mes partnerëve. Nëse, për shembull, ju dëshironi fëmijë dhe partneri juaj nuk dëshiron, ose ai do të donte të jetonte jashtë vendit dhe ju dëshironi të qëndroni në vend, nuk ka asnjë sasi dashurie që do t’ju mbajë të bashkuar.

Dëshirat e barabarta

Çdo marrëdhënie herët a vonë përballet me probleme. Ajo që i mundëson mbijetesën e saj është gatishmëria e partnerit për të diskutuar çështje të ndryshme dhe për të gjetur një zgjidhje që ju përshtatet. Ndonjëherë, sigurisht, është e nevojshme të bëni kompromise për një qëllim më të lartë, veçanërisht nëse dëshironi të kaloni jetën tuaj me partnerin tuaj aktual./arbresh.info/