Google ADS

A ka rrezik nga përdorimi i telefonave gjatë eklipsit?! Kjo është e vërteta!

00:42 | 28 Korrik 2018
Trina Galanxhi

Visar Azemi nga AOK Kosova e ka përgënjeshtruar lajmin se duhet fikur telefonat gjatë vrojtimit të eklipsit si parandalim rreziku – lajm i cili është përhapur në internet.

“Natyrisht e kam parë edhe unë këtë lajm. Është lajm i rrejshëm. Është bërë vetëm për klikime”, ka deklaruar ai për Klan Kosovën.

“Nuk ka kurrfarë rreziku. S’ka kurrfarë rrezatimi. E ka bërë dikush për klikime në Facebook”.

AOK Kosova ka bërë një organizim në sheshin “Skenderbeu” në Prishtinë për vrojtimin e eklipsit, por moti i keq ua ka prishur planet.

“Jemi në sheshin ‘Skenderbeu’. Si klub kemi vendosur që t’i montojmë pajisjet për vrojtimin e eklipsit. Fatkeqësisht për shkak të motit me re nuk po arrijmë ta vrojtojmë eklipsin”.

Në kuadër të këtij organizimi është edhe një ekspozitë e copëzave nga hëna dhe planeti Mars që iu janë dhuruar AOK-ut.

Shpërndaje në rrjete sociale

Lajmet më të lexuara

Të ngjashme

Foto lajm