Të rrallë janë ata persona që zgjohen shpejt dhe lehtë gjatë ditëve të vjeshtës.

Gjatë ditëve të vjeshtës, mëngjeset bëhen më të errta dhe më të ftohta, prandaj qëndrimi më gjatë në shtrat të ngrohtë është dëshirë e secilit, transmeton portal arbresh.info

Megjithatë, ekspertët japin disa këshilla se si t’ia dilni mbanë.

Bëni dush

Dr Roshni Patel për “The Sun” këshillon që pjesa e parë e rutinës së mëngjesit të jetë larja me ujë të nxehtë dhe të ftohtë, gjë që do t’ju ​​ndihmojë të zgjoheni. Ai pretendon se mund të ndihmojë që poret në lëkurë të hapen dhe lëkura të marrë frymë.

Hani mëngjes cilësor

Nutricionisti Alex Glover beson se një mëngjes i pasur me proteina është çelësi për të pasur energji që në mëngjes. Proteinat dhe fibrat do t’ju ngopin dhe do t’ju japin energji gjatë ditës.

Hani një mollë

Një mollë përmban rreth 13 gramë sheqer natyral dhe ka një efekt të ngjajshëm me kafen. Glukoza natyrale nga mollët tretet ngadalë, gjë që do t’ju bëjë më vigjilentë.

Lëvizni

Asgjë nuk ju kushton një stërvitje e vogël që në mëngjes. Kur jeni të lodhur, gjëja e fundit që dëshironi është të ecni në mot të ftohtë, por mund të habiteni nga efekti që do të ketë në trupin tuaj. Të rriturve u rekomandohet të paktën 150 minuta ushtrime në javë.

Rihidratimi i trupit

Pas disa orësh gjumë, trupi ka nevojë për lëngje. Pirja e dy deri në tre gota ujë do të rihidratojë trupin dhe do të stimulojë punën e zorrëve. Edhe nëse nuk keni etje në mëngjes, ekspertët ju këshillojnë të pini ujë dhe të kompensoni lëngjet e humbura.

Lëreni dritën të hyjë

Njerëzve u pëlqen të hapin perder në mëngjes, në mënyrë që drita natyrale t’i zgjojë.

Vitamina D

Gjatë muajve të vjeshtës dhe të dimrit është shumë e nevojshme që trupi të humbasë vitaminën D, prandaj është shumë e nevojshme që kjo vitaminë të plotësohet me ushqim. Një nga simptomat e mungesës së vitaminës D është lodhja.

Ndryshoni rutinën në mbrëmje

Në fund, nëse zgjoheni me zor do të thotë që nuk keni bërë gjumë të mjaftueshëm. Konsideroni të shkoni në shtrat më herët për të siguruar të paktën tetë orë gjumë natën./arbresh.info/