Gjithmonë ka tema se nga çka joshen më së shumti femrat, si duhet të jetë mashkulli dhe çfarë u pëlqen femrave në përgjithësi.

Disa mendojnë se pamja fizike është gjithçka, tjerët thonë se sjellja e meshkujve ka rëndësi kyçe, e disa tjerë thonë se paratë janë aseti më i madh, transmeton Telegrafi.

Duke marrë parasysh këto dilema, një studim i cili ka anketuar qindra femrave të moshave të ndryshme, ka arritur të del me një konstatim për këtë çështje.

Femrat që kishin marrë pjesë në këtë eksperiment është dashur të shkruajnë dhe të caktojnë se cilët meshkuj janë më së shumti joshës në sytë e tyre.

Ato kishin pasur një listë me fotografi të meshkujve të llojeve të ndryshme. Disa prej meshkujve në fotografi janë dukur të pasur, disa kanë pasur pamje të mirë fizike, e disa janë vërejtur se janë xhentëlmen dhe sharmantë.

Ndonëse femrat kishin pasur mendime të ndara, 70% prej tyre ishin pajtuar për një gjë: meshkujt me pamje të skulpturuar fizike janë më së shumti joshës!

Meshkujt që kishin pasur duar dhe gjoks të madh, muskuj të barkut dhe shpinë të gjerë, kishin qenë më joshës në sytë e femrave.

Shkencëtarët madje e kanë edhe përgjigjen se përse femrat e kanë këtë preferencë!

Siç duket, ky është një instinkt të cilin e kemi të ngjashëm me kafshët. Kur femrat e shohin një mashkull të fortë e muskulorë, truri i tyre instinktivisht thotë se ai mashkull është mjaftueshëm i fortë për të luftuar dhe për ta mbrojtur familjen, e kjo është gjëja më e rëndësishme për mbijetesë dhe shtim të species.