Ndërsa rrini të relaksuar në tavolinë dhe hani, mund të jeni rehat, por kjo nuk është domosdoshmërisht më e mira për shëndetin tuaj.

Ne kalojmë shumë kohë ulur në punë dhe kthehemi në shtëpi ulur në një makinë ose transport publik. Pastaj hyjmë në kuzhinë dhe ulemi në tryezë për të darkuar. Por shumica e njerëzve në Japoni ulen në dysheme ndërsa hanë dhe kjo është një traditë shumë e mirë për shëndetin, transmeton portali arbresh.info

Ndihmon në tretje

Kur uleni në dysheme me këmbë të kryqëzuara dhe hani, bëni yoga në të njëjtën kohë. Ky pozicion quhet “pozë e lehtë” ose sukhasana, dhe besohet se rrit rrjedhjen e gjakut në stomak, duke ju ndihmuar të tretni ushqimin dhe të merrni më shumë vitamina dhe lëndë ushqyese. Kur përkuleni përpara për të marrë ushqim nga pjata dhe më pas ktheheni në pozicionin fillestar për ta gëlltitur atë, ju forconi muskujt në stomakun tuaj, i cili nga ana tjetër mund të parandalojë fryrjen e barkut.

Ndihmon në humbjen e peshës

Ndërsa hani të ulur në dysheme, ju e ndihmoni nervin vagus tuaj të funksionojë më mirë. Kur sistemi juaj tretës lëshon një hormon të quajtur leptin, ai i dërgon një sinjal nervit vagus se jeni i ngopur. Funksioni i duhur i këtij nervi ju ndihmon të mos hani tepër.

Ju bën më fleksibil

Ulja në dysheme ju bën që të shtrini gjunjët dhe ijet. Ky pozicion ju pengon të përkuleni shumë dhe forcon shpinën dhe shpatullat, transmeton portali arbresh.info

Ndihmon në jetëgjatësi

Nëse lehtë mund të ngriheni nga pozicioni i këmbëve të kryqëzuara, pa ndonjë ndihmë, ka shumë mundësi që të mund të jetoni më gjatë. Rezulton se ulja në dysheme ndërsa hani dhe ngriheni disa herë është një nga mënyrat më të lehta për t’ia shtuar disa vjet jetës tuaj.

Forcon nyjet

Kur uleni në një karrige për një kohë të gjatë, ijet tuaja ngurtësohen. Nga ana tjetër, ulja në dysheme ju lejon të shtrini ijet dhe këmbët, duke i bërë nyjet tuaja më fleksibël.

Përmison qëndrimin

Në një karrige, nëse nuk mbështeteni ju dëmtoni muskujt thelbësorë, ndërsa kur të uleni në dysheme përmisoni qëndrimin duke forcuar pikërisht ata muskuj.

Qetëson mendjen

Kur uleni në dysheme për të ngrënë, mendja juaj do të qetësohet. Ushqimin do ta shijoni më shumë dhe do të ndiheni të ngopur më shpejt./arbresh.info/