Nëse po kërkoni një harmoni të përsosur fizike, mendore dhe shpirtërore, mund ta gjeni atë në Qigong, teknikën kineze që kombinon ushtrime shumë të veçanta fizike dhe meditative.

Mjeshtri i njohur Taoist, Mantak Chia beson se kryerja e këtyre ushtrimeve në baza të rregullta jo vetëm që mund të përmirësojë shëndetin tuaj fizik dhe mendor, por mund të zgjasë edhe një mënyrë jetese aktive.

1. Frymëmarrja

Mjeshtrat besojnë se frymëmarrja me një teknikë të veçantë mund të përmirësojë mirëqenien tuaj të përgjithshme dhe të zgjasë jetën tuaj.

– Merrni frymë ngadalë përmes hundës dhe mbajeni për 1-2 sekonda;

– Shtoni një tjetër frymëmarrje të vogël për të mbushur mushkëritë në kapacitetin më të plotë; Mbajeni për 1-2 sekonda dhe nxirreni përmes gojës. Merrni frymë thellë gjatë dhe ngadalë.

Kjo teknikë e frymëmarrjes e balancon tërë trupin dhe ngadalëson ndjeshëm procesin e plakjes.

2. Ngrohja

Ngrohja është shumë e rëndësishme. Ky është një hap përgatitor dhe ju kurrë nuk duhet ta kapërceni atë.

– Relaksoni trupin tuaj plotësisht;

– Përthyeni pak gjunjët dhe përpiquni të shpërndani peshën në mënyrë të barabartë në të dyja këmbët tuaja;

– Filloni lëkundjen e krahëve përpara dhe prapa dhe pastaj nga njëra anë në tjetrën.

3. Forcimi i veshkave dhe shpinës

Ky ushtrim forcon shpinën tuaj dhe gjithashtu stimulon funksionin e veshkave.

– Qëndroni drejt me këmbët tuaja, ose thjesht në largësi sa gjerësia e shpatullave dhe drejtoni gishtat e këmbëve përpara.

– Ngadalë përkulni përpara dhe poshtë, pa përthyer gjunjët;

– Përpiquni të arrini në dysheme. Nëse e bëni siç duhet, duhet të ndjeni muskujt e belit që shtriqen;

– Qëndroni në këtë pozicion për 10 sekonda, pastaj ngadalë kthehuni në pozicionin fillestar;

Përsëriteni 6 herë.

4. Drejtimi i shpinës

Ky ushtrim korrigjon posturën tuaj dhe përmirëson shikimin, forcon dhe drejton shpinën dhe përmirëson qarkullimin e oksigjenit në gjak.

– Qëndroni drejt dhe ngadalë lëvizeni kokën prapa;

– Qëndroni në këtë pozicion për 15 sekonda dhe merrni frymë thellë;

– Ngadalë kthejeni kokën në pozicionin fillestar;

Përsëriteni 6 herë dhe bëjeni këtë ushtrim disa herë në ditë.

5. Ushtrimi për lehtësimin ndaj stresit

Ky ushtrim e relakson tërë trupin.

– Qëndroni me këmbët tuaja të hapura sa dyfish gjerësia e shpatullave;

– Ngrini duart tuaja në kraharor me pëllëmbët përballë gjoksit;

– Zgjateni plotësisht njërin krah dhe më pas sillni duart tuaja në gjoks;

– Kthehuni në pozicionin fillestar;

Përsëriteni në çdo anë nga 6 herë.

6. Shtriqja e shpinës

Ky ushtrim quhet “2 duart që shkojnë drejt qiellit” dhe rrit kapacitetin e mushkërive, mbush trupin me energji dhe përmirëson funksionin e mëlçisë, veshkave, stomakut dhe zorrëve.

– Qëndroni drejt dhe bashkoni duart para vetes;

– Merrni frymë dhe ngadalë ngrini duart mbi kokën tuaj me pëllëmbët përballë;

– Në të njëjtën kohë, rrini mbi gishtërinjtë tuaj. Lëvizni dhe ulni ngadalë duart tuaja në pozicionin fillestar;

Përsëriteni 6 herë.