Në kohën kur më së shumti nevojiten këshillat për lidhjen martesore, zakonisht ato që marrim janë të gabuara apo edhe nuk ju përshtaten.

Por çka nëse ekzistojnë disa këshilla të tjera që duhet t’i ndiqni dhe ta evitoni momentin e vështirë, transmeton arbresh.info.

1. Mos u bëni shumë optimist

Shumë persona nisen nga ajo se nëse mendoni pozitivisht do të keni një martesë të suksesshme. Por asgjë në martesë nuk vjen automatikisht. Vetëm duke buzëqeshur dhe duke shpresuar se gjërat do të rregullohen, ato nuk do të rregullohen vetvetiu. Duhet të punosh në atë drejtim.

2. Mësohuni të grindeni

Çfarë do që të jetë arsyeja, studimet kanë treguar se çiftet që grinden kanë më shumë gjasa të zgjedhin një problem se sa ata që nuk bisedojnë mes vete fare për diçka të tillë. Edhe pse konfliktet mendohen të jenë situata fito ose humb, ato gjithashtu tregojnë se në një lidhje diçka duhet të ndryshojë.

3. Bëhuni egoistë

Përgjatë tërë jetës jemi këshilluar t’i ndajmë gjërat me të tjerët dhe të mos mendojmë vetëm për vetën tonë. Por në një lidhje nëse ju nuk filloni të mendoni së pari për lumturinë personale nuk do të jeni në gjendje të kontribuoni as në lumturinë e dikujt tjetër. Si ta bëni një gjë të tillë? Për shembull blini diçka që ju pëlqen vetëm juve ose filloni një hobi që ju intereson vetëm juve.

4. Harrojeni seksin- për një moment

Lë të bëhemi të sinqertë dhe ta pranojmë se seksi gati gjithmonë mund të kënaqë, por nëse dhoma e gjumit është i vetmi vend ku ju e kaloni mirë atëherë martesa juaj është në rrezik. Sipas studimit të bërë nga Universiteti i Iowas, çiftet të cilat bëjnë aktivitete se bashku, punojnë së bashku apo kanë interesa të përbashkëta kanë gjasa që të kenë një martesë më të lumtur.

5. Komunikoni në mes vete

Me komunikim nuk do të thotë të vetëm të bisedoni për gjërat që kanë ndodhur gjatë ditës sepse biseda do të përfundonte në momentin që do të harxhoheshin ngjarjet. Gjithashtu edhe burrat edhe gratë dëshirojnë që dikush t’i dëgjojë me kujdes.

6. Jepni ryshfet

Kjo nënkupton që duhet t’i bëni “dhurata” njëri tjetrit në mënyrë që të merrni diçka mbrapa. Me “dhurata” nuk nënkupton shpenzime materiale, këtu mund të hyjnë edhe ndihma në punët e shtëpisë, në punët e oborrit, ndihma në studime etj./Arbresh.info