Një i burgosur amerikan, i cili kaloi 17 vite në qeli për një grabitje që nuk e kishte kryer, më në fund është liruar nga burgu pasi autoritetet gjetën autorin e vërtetë, që ka ngjashmëri të jashtëzakonshme me të.

Richard Anthony Jones (në anën e djathtë në foto) nga Kansas u lirua pas gjyqtari vendosi se nuk kishte prova për ta mbajtur të burgosur.

Duke folur për mediat, ai tha se gjetja e fotografisë së një personi tjetër që ngjasonte tmerrësisht me të dhe emrin njësoj, është si të kërkosh gjilpërën në kashtë.

Jones tha se e kishte humbur shpresën për t’i liruar nga burgu pasi të gjitha apelimet e tij ishin refuzuar.

Por, në vitin 2015 ai zbuloi se kishte ngjashmëri të madhe me një person tjetër, të quajtur Ricky. Këtë informacion ja kishin treguar disa të burgosur të tjerë.

Sapo mësoi rreth këtij fakti, ai u lidh me një grup studiuesish që ndihmojnë të burgosurit e dënuar gabimisht.

Kjo organizatë më pas zbuloi se jo vetëm që kishte një ngjashmëri të çuditshme mes të dyve, por autori i vërtetë jetonte pranë skenës së krimit, në Kansas.