Është shumë e rëndësishme që gjatë muajve të shtatzënisë, bashkëshorti të dijë të sillet siç duhet me gruan, e cila, për shkak të ndryshimeve trupore, mund të ndryshojë edhe “karakterin”.

1. Ushqejeni bashkëshorten tuaj vazhdimisht

Të gjithë e dinë se ushqimi është i rëndësishëm për një grua shtatzënë. Ajo që mund të mos dini është se koha është shumë e rëndësishme. Nëse gruaja juaj ka uri, kjo do të thotë se e ka seriozisht, e mbi të gjitha kërkon të ushqehet në atë çast. Mos hamendësoni se shprehja e dëshirës për të ngrënë diçka, është një plan afatgjatë, përkundrazi sa më shpejt t’ia plotësoni dëshirën, aq më mirë do të jetë.

2. Ushqimi s’do të ketë limit

Ka shumë mundësi që gjatë viteve të mëparshme të martesës të jeni kuptuar shumë mirë për ushqimet që pëlqeni të konsumoni së bashku. Por gjatë shtatzënisë, nuk do ta njihni më “stomakun” e saj. Ajo do të kërkojë dhe do të konsumojë gjithçka. Mos e gjykoni për gjërat që preferon të hajë, nuk është diçka që mund ta kontrollojë. Për më tepër mos kërkoni t’u vini limit ushqimeve që kërkon.

3. Bëhuni gati për shtim në peshë

Çdo bisedë mes jush do të përfshijë nga pak ushqim dhe ky nuk është një ekzagjerim i juaji. Fakti interesant është se gjatë shtatzënisë, femrat nuk janë të vetmet që shtojnë në peshë. Edhe bashkëshortët e tyre shëndoshen gjithashtu. Me shumë gjasa sepse ju pëlqen ta shoqëroni gjatë kohës që ajo ushqehet.

4. Mos i tërhiqni vëmendjen për shtimin në peshë

Nëse ka ndonjë shkak përse bashkëshortja juaj po shëndoshet, ai shkak gjendet brenda saj. Mos merrni mundimin t’ia vini në dukje që kilogramët e saj sa vijnë e rriten. Asnjë femër nuk do t’i humbë linjat, por gratë shtatzëna janë të shëndosha dhe e dinë, por kjo nuk përbën ndonjë ndryshim.

5. “Truri i shtatzënisë” është i vërtetë

“Truri i shtatzënisë” është i vërtetë. Fillon të shfaqet çdo ditë kur ajo kërkon për syzet që i ka mbi kokë apo për gjërat që nuk mund t’i gjejë, por që janë aty. Kjo situatë mund të ndodhë prej mungesës së proteinave dhe prej zhvillimit të fëmijës.

6. Lamtumirë sens humori

Lajmi i mirë është se do të bëheni me një fëmijë, ndërsa lajmi i keq është se nuk ka mjaftueshëm vend për një fëmijë dhe për sensin e humorit. Jo vetëm prej gjendjes shëndetësore me të përziera, dhembje koke, lëkundje të humorit të përgjithshëm, por edhe prej ndjeshmërisë së tepërt, do ta keni më të thjeshtë ta bëni gruan të qajë sesa të qeshë.

7. Lamtumirë marrëdhënie seksuale

Do ta keni të vështirë të jepeni seksualisht pas dikujt që çdo mëngjes do të ketë të vjella apo do të përjetojë ndryshime që s’do t’i kuptojë as vetë. Megjithatë duhet të mendoni të mirën e përgjithshme dhe të sakrifikoni pak nga dëshira seksuale.

8. Trupi i saj po zmadhohet, por jo për ju

Një grua shtatzënë fillon të zmadhohet gjithnjë e më shumë. Këtu përfshihen edhe pjesët tuaja të preferuara tek ajo. Por kjo nuk do të thotë se jeni i lejuar t’i “përdorni” ato pjesë. Është një e vërtetë e trishtë, por gjithçka ju duhet është durim.

9. Ju nuk mund ta lëndoni bebin

Sapo të gjeni pozicionet e duhura për të kryer marrëdhënie seksuale ashtu siç është më e përshtatshme për të, asgjë nuk do të jetë më problem. Shumë meshkuj tremben se mos organi i tyre dëmton fëmijën, por nuk ka asnjë arsye për këtë. Ndihuni të lirë të përjetoni kënaqësinë e merituar me bashkëshorten tuaj.

10. Do të zëvendësoheni ngadalë nga jastëkët

Një grua shtatzënë ka një mik të ngushtë, ose më saktë shumë miq të ngushtë, këta janë jastëkët. Do të shpenzoni shumë para për të blerë jastëkë sa më të rehatshëm për të, por jo vetëm kaq. Jastëkët do të jenë më pranë saj sesa vetë ju.

11. Mos e trajtoni atë me delikatesë të tepruar

Shumë meshkuj priren ta tejkalojnë kujdesin që duhet të tregojnë ndaj grave të tyre. Kjo është një gjë e mirë, por teprica nuk është kurrë pozitive. Lëreni të bëjë punë të vogla, të cilat nuk do të rrezikojnë fëmijën, por mos e bëni të ndihet si qelq që mund të thyhet nga çasti në çast.

12. Femrat shtatzëna bëhen përtace.

Mos prisni shumë nga gruaja juaj, a nuk është një fëmijë një “punë” e mjaftueshme për disa muaj? Mësohuni me përtacinë e saj, jo prej dëshirës, por prej ndryshimeve trupore që po pëson dhe prej peshës së madhe që i duhet të mbartë në barkun e saj. Është koha që ju të kontribuoni në punët e shtëpisë.

13. Mos u ankoni.

Mos merrni as mundimin më të vogël, të ankoheni te bashkëshortja juaj për periudhën jo të mirë që po kaloni. Një gjë është e sigurt, ajo po heq më keq sesa ju, ndaj bëni pak durim dhe silluni në mënyrë bashkëpunuese. Burimi; Kidstime