Kryetarja e Komisionit për negocimin e teksteve shkollore, Merita Januzaj është intervistuar në Komisionin Hetimor Parlamentar për procesin e subvencionimit të blerjes së teksteve shkollore dhe mjeteve mësimore.

Jonuzaj ka theksuar se kanë arritur ta zbresin çmimin e teksteve shkollore nga 5 milionë e 800 në 4 milionë e 800 mijë.

“Si zyrtare ministrisë sa herë është kërkuar një informatë ne iu kemi përgjigje pozitivisht kërkesave të Kuvendit. Është një proces si hallkë e ndërmjetme e procesit të teksteve shkollore. Pasi përzgjidhen tekstet shkollore vlerësohet tekstet atëherë departamenti i caktuar bënë kërkesën dhe hapet tenderi. Detyra jonë është me kërku me ulë çmimin me aq sa mundet. Kemi pasur takime me shtëpitë botuese për të ulur sa më shumë çmimin. Çmimi ka qenë 4 milionë e 300 mijë kurse oferta në shtëpitë botuese ka qenë rreth 5 milionë. Jemi munduar me ulë ofertat dhe kemi ulur diku mbi 1 milion ofertën totale të shtëpive botuese. Prej 5 milionë e 800 mijë kemi përfunduar në 4 milionë e 800 mijë euro. Shtëpitë botuese nuk kanë dashur më zbrit fare çmimin. Tekstet e abetares, gjuhës boshnjake, turke, tekstet e diasporës kanë rritur më shumë çmimet e teksteve”,ka deklaruar ajo.

Januzaj ka dhënë detaje për secilën shtëpi botuese, të cilat kanë bërë zbritjen e çmimeve.

“Në total ‘Dukagjini’ prej 4 milionë e 260 mijë euro ka zbrit rreth 3 milionë e 459 mijë euro, ‘Albasi’ ka pasur 1 milion e 400 mijë dhe ka zbritur 1 milion e 200 mijë euro, ‘Berati’ prej 50 mijë ka zbrit në 42 mijë euro, edhe tekstet e minoriteteve ishin pjesë e negocimit dhe ato e kanë rritur vlerën e çmimit. Pas negocimit kur e ka dorëzuar raportin nuk ka ndonjë përgjegjësi tjetër se nuk është më në rolin tonë”, ka theksuar Januzaj./rtk/