Google ADS

Zyrtarja e lartë amerikane qëndron sot në Kosovë, takohet me Kurtin

07:47 | 12 Maj 2023
Diellza Gashi

Zyrtarja e lartë e USAID, Samantha Power, do të pritet sot në një takim në Prishtinë nga kryeministri i vendit, Albin Kurti, si dhe ministrja e Ekonomisë, Artane Rizvanolli.

Ky takim do të zhvillohet në ndërtesën e Qeverisë, me fillim nga ora 15:00 e pasdites.

Së bashku me Power, Kurti dhe Rizvanolli do ta shpallin edhe ankandin e parë për parkun me energji solare me kapacitet prej 100MW, njofton Zyra për Informim në Kryeministri.

Ndërkohë që arsyeja kryesore e vizitës së zyrtares së USAID-it në Kosovë është për të shprehur përkrahjen e ShBA-ve në dialogun me Serbinë.

Para se të vijë në Kosovë, Power ka qëndruar për vizitë edhe në Beograd, ku ndër të tjera ka zhvilluar takime me presidentin serb Vuçiq si dhe kryeministren Bërnabiç.

Shpërndaje në rrjete sociale

Lajmet më të lexuara

Të ngjashme

Foto lajm