Zyrtarët ndaj të cilëve janë ngritur aktakuza, të suspendohen ose largohen nga puna

14:57 | 15 Nëntor 2017
Arbresh.info

Ministri i Drejtësisë, Abelard Tahiri ka paraqitur sot në mbledhjen e Qeverisë koncept-dokumentin për suspendimin dhe largimin nga puna të zyrtarëve publik me rast të ngritjes së aktakuzës për keqpërdorim të detyrës zyrtare.

“Paraqes para jush koncept dokumentin për suspendim dhe largim nga puna të zyrtarëve publik me rast të ngritjes së aktakuzës për keqpërdorim të detyrës zyrtare. Ky koncept është pjesë e obligimeve tona që ndërlidhen me agjendën tonë evropiane dhe marrëveshjen e MSA-së. Kjo politikë e konsoliduar shtetërore reflekton qëllimi që përmes kësaj të parandalohet mundësia e keqpërdorimit të autoritetit dhe të hiqet mundësia që të ndikohet në prova”, ka thënë Tahiri, shkruan arbresh.info.

Sipas tij, ky koncept dokument miratohet sot dhe këto ndryshime do të inkorporohen në kodin penal dhe në kodin e procedurës penale. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm