Zyra e Prokurorit të Specializuar përfundon hetimet, kërkon fillimin e procesit gjyqësor ndaj Salih Mustafës

12:09 | 5 Mars 2021
V. S.

Në seancën e sotme që po mbahet në Gjykatën Speciale ndaj ish-ushtarit të UÇK’së, Salih Mustafa, Zyra e Prokurorit të Specializuar, ka kërkuar që të fillojë procesi gjyqësor ndaj Mustafës.

Zyra e Prokurorit thotë se i ka përfunduar proceset hetimore ndaj Salih Mustafës dhe se janë të gatshëm që të fillojë procesi gjyqësor.

“ZPS i ka përfunduar hetimet e veta, ka dy aktivitete hetimore që nuk kanë përfunduar ende dhe kemi depozituar një dokument të portokolluar sot në mëngjes.  Tjetër aktivitet hetimor që nuk është i përfunduar, është në dijeninë tuaj gjykatës. Këto dy aktivitete të papërfunduara nuk e pengojnë fillimin e procesit gjyqësor”, tha përfaqësuesi i Zyrës së Prokurorit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm