Diplomati estonez, Aivo Orav, do të jetë shef i ri i Zyrës së BE-së në Kosovë.

Ai mori detyrën nga Tomasz Szunyog, i cili shërbeu deri më tani në këtë detyrë.

Orav njoftimin e bëri përmes platformës X, ku tha se këtë po e bën duke ndjerë përgjegjësi të thellë ndaj pozitës që do ta ushtroi.

Estonezi theksoi se do të punojë ngushtë për ta mbështetur rrugën e Kosovës drejt BE-së.

“Me kënaqësi të madhe dhe një ndjenjë të thellë të përgjegjësisë po e marr postin e Shefit të Zyrës së BE-së/Përfaqësuesit Special të BE-së në Kosovë, një partner i rëndësishëm i BE-së në Ballkanin Perëndimor. Zotohem se do të punoj krah për krah me partnerët vendorë dhe ndërkombëtarë të BE-së në Kosovë për t’i çuar përpara marrëdhëniet tona diplomatike dhe politike, për ta konsoliduar pozitën e BE-së si investitor, partner tregtar dhe donator më i madh i Kosovës dhe për ta mbështetur rrugën e Kosovës drejt BE-së dhe reformat në lidhje me BE-në”, tha ai.

Aivo Orav, ka një karrierë të gjatë për mbi 30 vjet në diplomaci.

Ai më parë ka shërbyer si Përfaqësues i Përhershëm i Estonisë në BE dhe si shef i delegacioneve të BE-së në Mal të Zi dhe në Maqedoni të Veriut.

1st day at my new office as EU Ambassador in #Kosovo!
I look forward to working closely with our local & international partners to:
➡️Advance our political &economic relations
➡️Support reforms
➡️Bring Kosovo closer to the EU
➡️Get to know 🇽🇰& its people
Here’s to new beginnings! pic.twitter.com/j8OCeOJQ8N

— Aivo Orav (@AivoOrav) September 2, 2024