Google ADS

Zjarri në shtëpinë e pleqve, Rama: Për shkak të sigurisë të moshuarit do të zhvendosen në hotel

22:21 | 19 Shkurt 2024
E.H

Kryetari i Prishtinës, Përparim Rama ka vizituar sot Shtëpinë e të Moshuarve në kryeqytet i cili u përfshi nga zjarri ditën e sotme.

Rama me anë të një postimi në llogarinë e tij në Facebook, ka bërë të ditur se për shkaqe të sigurisë, të moshuarit do të zhvendosen në hotel, përcjell Arbresh.info.

“Pas incidentit të zjarrit i cili ndodhi në Shtëpinë e të Moshuarve, ku nuk pati të lënduar, bashkë me nënkryetaren Jehona Lushaku dhe ekipën përkatëse të drejtorëve vizituam vendin e ngjarjes. Pas konsultimeve me ekipën e urgjencës mjekësore, zjarrfikësve dhe ekipës për siguri dhe emergjenca morëm vendim që të moshuarit për çështje sigurie, derisa të bëhet pastrimi i objektit, të zhvendosen në hotel”, ka shkruar Rama.

Lexo edhe:

Zjarr në shtëpinë e pleqve në Prishtinë

Në fund, Rama shtoi se njësitet relevante policore janë duke u marr me rastin për gjetjen e shkaqeve të zjarrit./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm