Zjarri në lokalin e nënkryetares së Zveçanit, dyshohet se është i qëllimshëm

11:57 | 8 Mars 2024
E.K

Policia po dyshon se zjarri i shkaktuar në lokalin e nënkryetares së Komunës së Zveçanit, Natasa Tomanic, është bërë qëllimisht.

Lajmin për Arbresh.info e ka konfirmuar zëvendësdrejtori i Policisë së Kosovës për rajonin e veriut, Veton Elshani.

Elshani  tha se për momentin nuk ka të dyshuar lidhur me rastin, dhe se janë duke punuar për zbardhjen e rastit i cili u cilësua “Zjarrvënie”.

“Dyshohet si qëllimshëm, nuk ka të arrestuar”, tha Elshani.

Ndërkaq, Policia e Kosovës në raportin 24-orësh ka bërë të ditur se një grua ka raportuar se i është vënë zjarri dyqanit të saj të rrobave.

Rasti ka ndodhur sot në Zveçan në orët e hershme të mëngjesit, në ora 00:45.

“Ankuesja femër kosovare ka informuar se persona të panjohur i kanë vënë zjarrin butikut të saj, zjarrfikësit kanë shuar zjarrin. Lidhur me rastin ankuesja dyshon se zjarri i është vënë qëllimshëm nga persona të dyshuar”, thuhet në raport./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm