Kryetari i komunës së Drenasit, Ramiz Lladrovci ka reaguar edhe njëherë pas zjarrit në fabrikën e Plastikës në Qendrën e Biznesit.

Me anë të një postimi në Facebook, ai ka falënderuar të gjithë ata që i shkuan në ndihmë, shkruan Arbresh.info.

“Falënderoj zjarrfikësit e Drenasit, të cilët si çdo herë janë në krye të detyrës, kompaninë “Pastrimi” – njësia Drenas, të gjithë zjarrfikësit të cilët na erdhën në ndihmë për ndaljen e zgjerimit të vatrës së zjarrit, nga Malisheva, Skenderaj, Prishtina, Lipjani, Rahoveci, si dhe Njësia Speciale e Kosovës e cila po e lokalizon zjarrin me topa uji. Falënderoj kryetarët e komunave që ofruan përkrahje në këtë katastrofë, në veçanti z. Muharremaj dhe z. Latifi.”, ka shkruar Lladrovci.

“Falënderoj Policinë e Kosovës-Stacioni në Drenas, ministrin Krasniqi dhe Sfeçla, zv. ministrin Gashani, Njësinë Speciale të PK, Agjencinë për Menaxhimin e Emergjencave dhe z. Shefki Abdullahu, KFOR-in i cili ishte gati të ndërhynte edhe me helikopter dhe pjesëmarrjen me automjete zjarrfikësish, institucionet tjera që u gjenden pranë nesh, në këtë ditë të rëndë e të vështirë për pronarët e Fabrikës së Plastikës, pronarët në Qendrën e Biznesit Drenasi I, si dhe qytetarët të cilët u rrezikuan nga ky zjarr dhe tym i dendur.”, ka shkruar ai.

Lladrovci u shpreh se është për keqardhje se askush nga Ministria e Industrisë, Ndërmarrësisë dhe Tregëtisë, dhe nga Agjencia për Investimet dhe Përkrahjen e Ndërmarrjeve e Kosovës, nuk doli në vendin ku shpërtheu zjarri në Fabrikën e Plastikës.

“Është për keqardhje se askush nga MINT dhe KIESA, deri më tash, nuk ishte në vendin e ngjarjes as për tu informuar rreth katastrofës”, shkroi ai.

“Është dhimbje e madhe për dëmet e shkaktuara nga zjarri në Fabrikën e Plastikës, për ambientin e komunës tonë dhe më gjerë, por, për fat, nuk pati asnjë punëtor të lënduar e as biznese tjera të dëmtuara në Qendrën e Biznesit Drenasi”, tha mes tjerash Lladrovci./Arbresh.info/

Postimi i plotë:

Sot, ka ngjarë një katastrofë ambientale në komunën tonë dhe më gjerë, njëherësh dëme shkatërruese në Fabrikën e Plastikës në Qendrën e Biznesit Drenasi I, për shkak të zjarrit të madh që e kaploi atë para dite. Menjëherë, kam aktivizuar Shtabin emergjent dhe kemi dalë në vendin e ngjarjes, ku pronarët e punëtorët ishin të tronditur nga kjo humbje, por kishin shqetësim edhe bizneset tjera në afërsi se mos flakët përhapen drejt tyre.

Falënderoj zjarrfikësit e Drenasit, të cilët si çdo herë janë në krye të detyrës, kompaninë “Pastrimi” – njësia Drenas, të gjithë zjarrfikësit të cilët na erdhën në ndihmë për ndaljen e zgjerimit të vatrës së zjarrit, nga Malisheva, Skenderaj, Prishtina, Lipjani, Rahoveci, si dhe Njësia Speciale e Kosovës e cila po e lokalizon zjarrin me topa uji. Falënderoj kryetarët e komunave që ofruan përkrahje në këtë katastrofë, në veçanti z. Muharremaj dhe z. Latifi.

Falënderoj Policinë e Kosovës-Stacioni në Drenas, ministrin Krasniqi dhe Sfeçla, zv. ministrin Gashani, Njësinë Speciale të PK, Agjencinë për Menaxhimin e Emergjencave dhe z. Shefki Abdullahu, KFOR-in i cili ishte gati të ndërhynte edhe me helikopter dhe pjesëmarrjen me automjete zjarrfikësish, institucionet tjera që u gjenden pranë nesh, në këtë ditë të rëndë e të vështirë për pronarët e Fabrikës së Plastikës, pronarët në Qendrën e Biznesit Drenasi I, si dhe qytetarët të cilët u rrezikuan nga ky zjarr dhe tym i dendur.

Është dhimbje e madhe për dëmet e shkaktuara nga zjarri në Fabrikën e Plastikës, për ambientin e komunës tonë dhe më gjerë, por, për fat, nuk pati asnjë punëtor të lënduar e as biznese tjera të dëmtuara në Qendrën e Biznesit Drenasi I. Është për keqardhje se askush nga MINT dhe KIESA, deri më tash, nuk ishte në vendin e ngjarjes as për tu informuar rreth katastrofës./Arbresh.info/